Ol proporsıonaldy saılaý júıesi qoǵamdaǵy saıası kúshterdiń múddesin barynsha keń qamtýǵa múmkindik beretinin jetkizdi. Mundaı tásil partııalardyń ınstıtýsıonaldyq damýyn jedeldetip, Parlamenttegi saıası básekeni arttyrady.
Ádilet mınıstri Konstıtýsııaǵa qandaı ózgerister engiziletinin aıtty
Depýtat eki palataly Parlament modeli negizinen federaldyq memleketterge tán ekenin atap ótti. Al Qazaqstan ýnıtarlyq memleket retinde zańdardyń el aýmaǵynda birkelki qoldanylýyn, óńirler men azamattardyń quqyqtary men múmkindikteriniń teń saqtalýyn basty qaǵıda etip keledi.
Sondaı-aq ol Memleket basshysynyń bul baǵyttaǵy qadamdary júıeli túrde júzege asyp jatqanyn aıtty. 2022 jyly zań shyǵarý quqyǵynyń Májiliske berilýi men Senattyń fýnksııalaryn qaıta qaraý qazirgi reformalardyń logıkalyq jalǵasy retinde baǵalandy.
Azat Perýashevtiń pikirinshe, bir palataly Parlamenttiń ókilettigin kúsheıtý memlekettik bılik júıesiniń tıimdiligin arttyrady. Sonymen birge Konstıtýsııada Halyq keńesiniń mártebesin bekitý bastamasy azamattyq qoǵam men etnostardyń saıası úderiske qatysý aıasyn keńeıtip, qoǵamdyq kelisimdi nyǵaıtýǵa yqpal etedi.
Nurlan Beknazarov: Quryltaıdyń kelisiminsiz depýtatty jaýapkershilikke tartýǵa bolmaıdy
Depýtat usynylyp otyrǵan konstıtýsııalyq ózgerister halyqaralyq tájirıbege saı keletinin jáne parlamentarızmdi damytýdyń jınaqtalǵan úlgilerine súıenip otyrǵanyn atap ótti.
