Alaıaqtar kóbine aqshaǵa muqtaj nemese ańǵal jandardy quryǵyna túsiredi. Ásirese, jumys tájirıbesin talap etpeıtin jeńil tabys ýádesi stýdentter men mektep oqýshylaryn da jıi qyzyqtyrady. Olar tabys tabýdyń ońaı jolyn usynyp, adamdardy zańsyz áreketterge ıtermeleıdi.
Tek aýdarymdy qabyldap, ári qaraı jiberý jáne sol úshin komıssııa alǵanda turǵan eshnárse joqtaı kórinedi. Alaıda mundaı áreketter aýyr quqyqtyq saldarǵa, bank shottarynyń buǵattalýyna jáne qylmystyq jaýapkershilikke ákelýi múmkin. Bul jerde jaýapkershilik tek aqshany urlaǵan adamǵa emes, qarajat ótken karta nemese shot ıesine júkteledi. Adam qarajattyń qylmystyq jolmen alynǵanyn bilmese de, ony dáleldeý óte qıyn bolady.
Petropavlda 120 mln teńgeni qoldy qylǵan dropperler sottaldy
2025 jylǵy 16 qyrkúıekten bastap Qazaqstanda dropperlik úshin jeke qylmystyq jaýamkershilik engizildi (QR Qylmystyq kodeksiniń 232-1-baby). Ol boıynsha mynadaı jaza túrleri qarastyrylǵan:
-
Bank kartasyn nemese shotyn úshinshi tulǵalarǵa bergeni úshin – 3 jylǵa deıin bas bostandyǵynan aıyrý;
-
О́zgelerdiń múddesi úshin aýdarymdar men tólemder jasaǵany úshin – 5 jylǵa deıin bas bostandyǵynan aıyrý;
-
Qylmystyq shemalarda bótenniń bank derekterin qasaqana paıdalanǵany úshin – 7 jylǵa deıin bas bostandyǵynan aıyrý.
Sondyqtan «ońaı tabys» týraly ýádelerge synı kózben qaraý qajet. Mundaı «jumys» bedelińizge nuqsan keltirip qana qoımaı, eń qymbat qundylyq – bostandyǵyńyzdan aıyrýy múmkin.
