Foto:yarreg.ru
Buǵan deıin Májilistiń jalpy otyrysynda depýtat Erlan Saırov sońǵy kezderi qoǵamda birlik pen tutastyqty nyǵaıtýdan góri, halyqty jikke bólýge beıim úderis kúsheıip jatqanyn aıtyp, Úkimet basshysyna saýal joldaǵan bolatyn. Depýtat jasóspirimder úshin kıno jáne medıakontenttiń tárbıelik yqpaly joǵary ekenin eskerip, osyǵan qatysty birshama usynysyn ortaǵa salyp, Aqparat jáne mádenıet mınıstrligi janynan kınoprokatqa shyǵatyn otandyq fılmderdiń mazmunyn aldyn ala kórkemdik-estetıkalyq, ıdeologııalyq, ulttyq birlik turǵysynan saraptaıtyn turaqty komıssııa qurýdy iske asyrý qajet ekenin usynǵan.
Oljas Bektenov jaýabynda el kınoteatrlaryndaǵy fılmder prokatynyń monıtorıngi kúsheıetinin de atap ótti.
«Buǵan qatysty úkimet ázirlegen túzetýlerdi májilis 2025 jyl sońynda qabyldady. Keıin olar Senattyń qaraýyna engizilgen. Túzetýler qabyldanǵannan keıin sheteldik jáne otandyq fılmderdi elimizde prokatqa shyǵarmas buryn olardy arnaıy Saraptama komıssııasy qaraıtyn bolady. Aldaǵy ýaqytta mádenıet salasyndaǵy zańnamalyq talaptardy buzýǵa jol bermeý maqsatynda Mádenıet jáne aqparat mınıstrligi ultty birlikke shaqyratyn mazmundaǵy kontentti kóbeıtý jumystaryn júrgizetin bolady», delingen premer-mınıstrdiń jaýabynda.
Aıta keteıik, Ulttyq kınony qoldaý memlekettik ortalyǵy 2026 jylǵa arnalǵan kınojobalardy irikteý úshin basym taqyryptardy jarııalaǵan.
