Foto: Aqorda
Kezdesýde saýda-ekonomıkalyq jáne ǵylymı-tehnıkalyq yqpaldastyqty jandandyrýǵa, jasandy ıntellekt, aýyl sharýashylyǵy, sý resýrstaryn basqarý, sondaı-aq basqa salalardaǵy birlesken jobalardy júzege asyrýǵa basa mán berildi.
Prezıdent Gıdeon Saardyń Astanaǵa sapary aıasynda Qazaqstan-Izraıl bıznes forýmyn ótkizýdi qoldap, onyń qorytyndysy eki eldiń ınvestısııalyq seriktestigin keńeıtýge eleýli úles qosatynyna senim bildirdi.
Syrtqy ister mınıstri Izraıldiń Qazaqstanmen memleketaralyq qarym-qatynastardy damytýǵa jáne ózara baılanystardy jańa ári sapaly deńgeıge kóterýge múddeli ekenin jetkizdi.
Gıdeon Saar Qazaqstannyń Ibrahım kelisimderine qosylýyn Prezıdent Qasym-Jomart Toqaevtyń kóregen sheshimi retinde baǵalady. Bul turaqtylyqty, beıbitshilikti jáne halyqaralyq dıalogty odan ári nyǵaıtýǵa yqpal etetinin atap ótti.
Izraıl syrtqy ister mınıstrliginiń basshysy Qazaqstanda júrgizilip jatqan aýqymdy saıası jáne áleýmettik-ekonomıkalyq reformalarǵa joǵary baǵa berip, atalǵan bastamalardy tabysty júzege asyrýǵa tilektestik bildirdi.
Kezdesý barysynda halyqaralyq kún tártibiniń ózekti máseleleri talqylandy.
Buǵan deıin Memleket basshysynyń Jarlyǵymen Asqarbek Ertaevtyń Eńbek jáne halyqty áleýmettik qorǵaý mınıstri bolyp taǵaıyndalǵanyn jazǵan edik.
