Tekserý barysynda «Bastion» turǵyn úı kesheniniń qurylysy azamattyq avıasııa salasyndaǵy ýákiletti organdardyń kelisiminsiz jáne ruqsatsyz júrgizilip jatqany anyqtaldy.
Almatyda zańsyz salynǵan taǵy bir nysan súrildi
«Qoldanystaǵy zańnama talaptaryna sáıkes, áýeaılaqqa jaqyn aımaqtarda jáne belgilengen kúzet aýmaǵy radıýsynda kópqabatty ǵımarattardy salýǵa ruqsat etilmeıdi. Osy aımaqta salynyp jatqan barlyq nysan tıisti kelisim alýǵa mindetti. Mundaı qujatsyz biz qurylysty toqtatamyz, qajet bolǵan jaǵdaıda súriledi», dedi Beıbit Shahanov.
Sondaı-aq «Dream City Tech» turǵyn úı kesheniniń qurylys alańynda qurylys salýshynyń qasbetti kelisimsiz qaptaı bastaǵany belgili boldy.
Qala ákiminiń orynbasary «Shyǵys qaqpasy» polıortalyǵyndaǵy barlyq qurylys nysanynyń sáýlettik kelbeti bekitilgen biryńǵaı tujyrymdamaǵa qatań saı bolýǵa tıis ekenin qadap aıtty.
Bul zańbuzýshylyqtarǵa baılanysty atalǵan nysandarda barlyq qurylys jumysyn mindetti kelisim men ruqsat alynǵanǵa deıin toqtatý týraly sheshim qabyldandy.
