Vedomstvo buǵan deıin Jasandy ıntellekt jáne sıfrlyq damý mınıstrligi, Kólik mınıstrligi, Astana qalasynyń ákimdigi, sondaı-aq inDrive jáne Yandex Qazaqstan kompanııalary arasynda pılotsyz taksı jobalaryn iske asyrý jóninde eki memorandýmǵa qol qoıylǵanyn eske saldy.
Mınıstrliktiń málimetinshe, pılottyq joba úsh jylǵa eseptelgen jáne kezeń-kezeńimen júzege asyrylady. Birinshi kezeńde arnaıy synaq polıgonynda tehnologııalyq sheshimderdi pysyqtaý, sondaı-aq marshrýttar men ınfraqurylym parametrlerin daıyndaý jáne tekserý josparlanyp otyr.
Kelesi kezeńde Astana jáne Almaty qalalarynda aldyn ala kelisilgen marshrýttar boıynsha pılotsyz kólik quraldaryn qalada paıdalanýǵa kezeń-kezeńimen ruqsat berý kózdelgen. Bul prosess turaqty baqylaý jáne monıtorıng jaǵdaıynda júrgiziledi.
Taksı qyzmeti: Salyq kodeksi júrgizýshilerge qalaı áser etedi?
Jol belgilerin ornatý, jol tańbalaryn syzý, jolaýshylardy otyrǵyzý jáne túsirý aımaqtaryn uıymdastyrýdy qamtıtyn ınfraqurylymdyq daıyndyq 2026 jyldyń I toqsanyna josparlanǵan. Alaıda qazirgi tańda Astanada pılotsyz kólikterdi synaqtan ótkizetin naqty kóshe-jol jelisiniń ýchaskeleri áli bekitilmegen.
Bul kezeńde pılotsyz avtomobılderdiń naqty modelderi men konfıgýrasııalary anyqtalǵan joq. Jolaýshylar syıymdylyǵy men qyzmet kórsetý formaty pılottyq jobany daıyndaý jáne engizý barysynda naqtylanady.
Pılotsyz taksımen júrý qunyn qyzmet operatorlary naryqtyq jaǵdaılardy, paıdalaný barysyndaǵy ekonomıkalyq parametrlerdi, tehnologııalar men ınfraqurylymǵa ketetin shyǵyndardy, sondaı-aq qoldanystaǵy zańnama talaptaryn eskere otyryp, ózderi belgileıdi.
