Foto: ashyq derekkóz
Onyń aıtýynsha, Reseıde jumys isteıtin eńbek mıgranttarynyń otbasy múshelerine de mindetti medısınalyq saqtandyrý (OMS) polısi berilýi tıis. Bul talap bes memleket qol qoıǵan kelisimde naqty kórsetilgen. Alaıda qazirgi tańda Reseı tarapy osy kelisimniń 96-97-baptaryn buzyp, eńbek mıgranttarynyń otbasy múshelerine OMS polısin berýden bas tartyp otyr.
Mýkanovtyń sózinshe, áńgime 2014 jyly qol qoıylǵan Eýrazııalyq ekonomıkalyq odaq týraly shart jóninde bolyp otyr. Ondaǵy «Eńbek mıgrasııasy» bólimine sáıkes, 96-bapta EAEO elderi kelisilgen kóshi-qon saıasatyn júrgizýge mindetti ekeni, al memleketter arasyndaǵy yntymaqtastyq adam men azamattyń quqyqtary men bostandyqtaryn saqtaý qaǵıdattaryna negizdelýi tıis ekeni aıtylǵan.
Al osy bólimniń 97 jáne 98-baptarynda EAEO aýmaǵynda jumys isteıtin eńbekkerler men olardyń otbasy músheleri jumys istep júrgen eldiń azamattarymen teń dárejede áleýmettik saqtandyrý men jedel medısınalyq kómek alýǵa quqyly ekeni kórsetilgen.
О́tken jyldyń qarasha aıynda Reseı Memlekettik Dýmasynyń tóraǵasy Vıacheslav Volodın shetel azamattaryna medısınalyq polıs berý sharttary ózgergenin málimdegen bolatyn. Onyń aıtýynsha, endi sheteldikterge tek keminde bes jyl boıy elde zańdy túrde jumys istegen jaǵdaıda ǵana tegin medısınalyq kómek kórsetiledi.
Qyrǵyzstanda valıýta aıyrbastaý erejesi ózgerdi: endi aqshanyń qaıdan kelgeni tekseriledi
Sot sheshimi eki apta ishinde shyǵarylady.
