Foto: «Qaırat» FK
Mbappe, Erlıng Holand, Harrı Keın jáne Vıtınıa sekildi esimderi álemge áıgili fýtbolshylar bar tizimge Qazaqstan ulttyq quramasy men almatylyq «Qaırat» klýbynyń qaqpashysy Temirlan Anarbekov te endi.
Aıta keteıik, Temirlan Anarbekov ÝEFA Chempıondar lıgasynyń jalpy kezeńinde sátti óner kórsetip, birneshe ret úzdikter toptamasynan tabyldy. Ol Chempıondar lıgasynyń altynshy týrynan keıingi statıstıka boıynsha eń joǵary reıtıngke ıe bolǵan fýtbolshylardyń tiziminde kósh bastady.
Sondaı-aq Temirlan Anarbekov «Qaırat» – «Olımpıakos» matchynda úzdik oıynshy atandy.
«Qaırat» UEFA Chempıondar lıgasy aıasyndaǵy sońǵy matchyn 28 qańtar kúni Anglııanyń áıgili «Arsenal» komandasyna qarsy ótkizedi. Londanda ótetin matchqa «Qaırat» 25 qańtar kúni attandy. Atalǵan quramalar arasyndaǵy kezdesý Qazaqstan ýaqytymen 29 qańtarǵa qaraǵan túni saǵat 1:00-de bastalady.
