Álem kýbogi – Almatyda

Kúni keshe ol Almatyǵa jetti. Respýblıka saraıynda uıym­­das­tyrylǵan is-sharaǵa Italııa­nyń áıgili fýtbolshysy, 2006 jyl­ǵy álem chempıony, 2010 jylǵy klýbtyq álem birin­shi­ligi men ÝEFA Chempıondar lıgasynyń jeńimpazy, basqa da kóptegen ataqtyń ıegeri Marko Mate­rassı qatysty. Apennın túbe­ginen kelgen tasqamal qor­ǵaýshy «Trophy Tour» týry týra­ly áńgimelep, osy istiń mán-ma­ńyzyna keńinen toqtaldy, jýrnalıster men jı­nal­ǵan qaýymnyń san alýan su­raqtaryna jaýap qaıtardy.

Jıynǵa Marko Mate­ras­sıden bólek, FIFA delegasııa­sy, Al­maty qalasy ákimdigi, fýtbol fede­rasııasynyń ókilderi, osy týrdyń uıymdastrýshysy «Coca-Cola» men «CCI» kom­pa­nııalarynyń bas dırektorlary – Serkan Dılek pen Velı Dınchel qa­tys­ty. Saltanatty rá­sim aıaq­tal­ǵan soń BAQ ókilderi men basqa da qatysýshylar Álem kýbo­gimen estelik fotoǵa tústi.

Álem kýboginiń salmaǵy – 6,142 kg. Músin 18 karatty taza altynnan jasalǵan. Bul kýbokti kezinde dúnıejúzilik dop dodasynda teńdessiz dep tanylǵan koman­dalardyń aty ańyzǵa aınalǵan aıaq dop sheberleri tóbesine kóterdi. Sońǵy ret 2022 jyly Qatarda uıymdastyrylǵan jarysta Ar­gen­tına quramasy top jar­dy. Sol kezde altyn músin júzi bal-bul jaınaǵan dańqty Lıo­nel Messıdiń qolynda boldy. Ne­gizi ol Shveısarııanyń FIFA mýzeıinde saqtalyp, tek álem chempıonaty ótetin jyly ǵana syrtqa shyǵarylady. Aldymen álemdi sharlaıdy, sodan keıin chempıonatty qabyldaıtyn memleket­ke jetkiziledi. Fınaldyq match­tan soń kýbok bas júldeni olja­la­ǵan komandaǵa tabys etiledi. Sal­tanatty rásim aıaqtalǵan­nan keıin tupnusqa qaıta mýzeı­ge qaıtarylyp, jeńimpazdarǵa kýboktiń kóshirmesi tabys etiledi.