Saperler urany – «Qatelikke jol joq!»

Sonymen qatar olar­dyń mindetine áskerı nysandardy búr­ke­me­leý nemese ımıta­sııa­laý kiredi. Qaýipsizdikti qam­ta­ma­syz etýde ınjenerlik-saper­lik bólimsheler erekshe ról atqarady. Olar aýmaqty mına­lar­dan tazalaý jumystaryn júr­gizedi. Bul qyzmet joǵary kásibı daıyndyqty, qatań tártip pen tózimdilikti talap etedi. In­jenerlik áskerler zamanaýı barlaý quraldarymen, robottehnıkamen, jer qazatyn ári pontondyq tehnıkamen jabdyqtalady.

Beıbit kúnderi áskerı ınjenerler tótenshe jaǵdaılardyń saldaryn joıýǵa da atsalysady.­ Máselen, 2024 jyly bolǵan kók­temgi sý tasqyny kezinde olar­dyń kúshimen Oıyl men Esil ózenderi arqyly parom ótkelderi uıymdastyrylyp, 3 myńnan astam adam evakýasııalandy. Sondaı-aq 1,5 myńdaı tehnıka ót­kizilip, 400 tonnadan astam gý­manıtarlyq kómek jetkizildi.

Otandyq ınjenerler halyq­aralyq mıssııalarǵa da eleýli úles qosyp keledi. Iraktaǵy ope­rasııa barysynda olar 4 mıl­lıonnan astam jaryl­ǵysh zatty zalalsyzdandyryp, 6,7 myń tekshe metrden astam sýdy ta­zartty. Qazirgi zamanǵy tehnıkamen jabdyqtalǵan ári bilikti ma­man­darmen tolyqtyrylǵan ınjenerlik áskerler ulttyq qaýipsizdik júıesiniń mańyzdy quramdas bóligi.

Osy oraıda elimizdiń ınje­ner­lik-saperlik toby BUU mandatyna sáıkes Golan jotalarynda júktelgen mindetterdi sát­ti oryndap jatqanyn aıta ketý kerek. Ol jaqta byltyr 11 sáýirden bastap 44 operasııa­ júrgizip, 1200-den astam ja­rylǵysh zat pen 43 qoldan jasal­ǵan jarylǵysh qurylǵyny joıdy. Sonymen qatar olar jergilikti aýmaqta, BUU bazalary men baqylaý be­ketterinde bes izdestirý is-sha­ra­syn ótkizip, mınaly alqap­tarǵa úsh barlaý jasady. Anyq­tal­ǵan oq-dárilerge 11 márte aldyn ala zerdeleý jumysyn júr­gizdi. О́z jaýapkershiligine ja­tatyn aımaqtarda ınjenerlik-saperlik top áskerı personaldyń, BUU nysandary men beıbit tur­ǵyndardyń qaýipsizdigin qamta­ma­syz etip jatyr.

«Biz mına qoıylǵan alqap­tar­­ǵa barlaý júrgizemiz, BUU baza­lary men baqylaý beketterin tek­se­remiz, jarylǵysh zattar men qoldan jasalǵan jaryl­ǵysh­ qu­ryl­ǵylardy joıamyz. Ta­byl­ǵan bar­lyq oq-dári – Sırııa aý­ma­ǵyndaǵy qa­rýly qaqty­ǵys­tar­­dyń qaýip­ti murasy», deı­di Bi­tim­gerlik ope­rasııalar orta­ly­­ǵy­nyń ma­terıaldyq-tehnı­ka­­lyq qamtamasyz etý basqar­ma­sy­nyń ofıseri, maıor Ernar Amantaıuly.

Golan jotalaryna attanar aldynda áskerı qyzmetshiler Almaty garnızonyndaǵy Bitim­gerlik operasııalar ortalyǵynda, sonymen qatar Qonaev garnı­zo­nynyń mınasyzdandyrý or­ta­lyǵynda keshendi arnaıy daıyn­dyqtan ótken bolatyn. Osy­laısha, elimizdiń ınjenerlik ás­kerleriniń jaýyngerleri ha­lyq­aralyq deńgeıde de BUU mıssııalary aıasynda beıbitshilik pen turaqtylyqty nyǵaıtýǵa eleýli úles qosyp keledi.

Bul áskerı qurylym qata­ryn­da óz isine jaýapkershilikpen qarap, úzdik atanyp júrgen za­man­dastarymyz az emes. Sonyń biri – kelisimshart negizindegi ás­kerı qyzmetshi Saǵıt Myńbaı. Túrkistan oblysynyń týmasy 2012–2013 jyldary Ulttyq ulan­nyń Qaraǵandy qalasyndaǵy 5451 áskerı bóliminde merzimdi áskerı qyzmetin ótep, búginde 19033 áskerı bólimniń ınjenerlik-sa­perlik batalonynda bólimshe komandıri qyzmetin atqaryp jatyr.

Injenerlik áskerlerdiń bas­ty ereksheligi – kózge kórinbeıtin, biraq asa qaýipti jaýmen kúresýi. Mına men jarylǵysh zat qatelikti keshirmeıdi. Sondyqtan saper úshin árbir qadam, árbir qozǵalys – ómir men ólimniń arasyndaǵy sheshim. Bólimshe komandıri re­tin­de Saǵıttiń moınynda alty saperdiń ómiri men qaýipsizdigi tur. Ol úshin «Qatelikke jol joq» degen sóz – jaı uran emes, kásibı ómiriniń basty qaǵıdasy.

О́tken jyly S.Myńbaı «Ásker tarlany» baıqaýynda jaýyn­gerlik daıyndyq pen mem­le­kettik-quqyqtyq daıyndyq qorytyndysy boıynsha «Qaısar júrek» atalymynyń jeńim­pa­zy atandy. Bul marapat – jeke ba­sy­nyń jetistigi ǵana emes, onyń bólimshesiniń birligi men kásibı sheberliginiń nátıjesi dep biledi.

Otandyq ınjenerlik ásker­lerdiń, sonyń ishinde saper­ler­diń qyzmeti kózge kórinbeıtin erlik ekenin joǵaryda aıt­tyq. S.Myńbaı syndy jaýyn­ger­lerdiń ómir joly jas urpaqqa otansúıgishtiktiń, jaýapkershilik pen batyldyqtyń jarqyn úlgisi. «Qatelikke jol joq» degen uranmen elge adal qyzmet etý – naǵyz sarbazǵa tán qasıet, al mundaı azamattar – elimizdiń qorǵany ári maqtanyshy.