Sýret: astanatv.kz
Ulttyq biryńǵaı testileý ortalyǵynyń taratqan aqparatyna súıensek, alǵashqy aptada testileýden ótken 36 myń talapkerdiń 64%-y testileýdi qazaq tilinde, 36%-y orys tilinde, 52 adam aǵylshyn tilinde tapsyrdy. Olardyń qatarynda 156 erekshe bilim berý qajettilikteri bar oqýǵa túsýshiler de bar.
Birinshi aptadaǵy testileý kezinde 94 ereje buzýshylyq anyqtaldy. 56 talapker smartfondardy, shpargalkalardy, basqa da tyıym salynǵan zattardy alyp kirmek bolǵany úshin testileýden shettetildi. Taǵy 38 adam testileý kezinde erejelerdi buzǵany úshin aýdıtorııadan shyǵaryldy, olardyń nátıjeleri joıyldy. О́zge adamdardyń ornyna kirý faktileri anyqtalǵan joq.
Al qańtar aıyndaǵy UBT-ny ótkizýdiń ekinshi aptasynda 24 myń adam test tapsyrǵan. Olardyń 72%-y testileýdi qazaq tilinde, 28%-y orys tilinde, 71 adam aǵylshyn tilin tańdady. Olardyń qatarynda 104 erekshe bilim berý qajettilikteri bar oqýǵa túsýshiler de bar.
UBT-ny ótkizýdiń ekinshi aptasynda 79 ereje buzýshylyq anyqtaldy. 52 talapker smartfondardy, shpargalkalardy jáne basqa da tyıym salynǵan zattardy alyp kirmek bolǵany úshin testileýden shettetildi. Taǵy 27 adam testileý kezinde erejelerdi buzǵany úshin aýdıtorııadan shyǵaryldy, olardyń nátıjeleri joıyldy. О́zge adamdardyń ornyna kirý faktileri anyqtalǵan joq.
Eki aptanyń qorytyndysy boıynsha talapkerlerdiń 65%-y shekti ball jınady. Bes pán boıynsha ortasha ball 61 baldy qurady. Eń joǵary nátıje – 138 ball.
Talapkerlerdiń test tapsyrmalarynyń mazmuny boıynsha testileý aıaqtalǵannan keıin 30 mınýt ishinde apellıasııaǵa berý quqyǵy bar. Tehnıkalyq sebepter boıynsha apellıasııa tikeleı testileý kezinde qabyldanady. Nátıjeleri bar sertıfıkattar apellıasııa qarastyrylǵannan keıin jeke kabınetterde qoljetimdi bolady.
2026 jylǵy UBT aıaqtalǵannan keıin kúntizbelik jyldyń 31 qazanyna deıin beınejazbalarǵa taldaý júrgiziledi. Tyıym salynǵan zattardy paıdalaný nemese erejelerdi buzý faktileri anyqtalǵan jaǵdaıda UBT nátıjeleri joıylady.
Eske sala ketsek, testileýge qatysýǵa 187 myńǵa jýyq ótinish kelip tústi.
