Foto: istockphoto.com
Oqys oqıǵa týraly balanyń ákesi, kásipker Qanat Ámirkın málimdedi. Onyń aıtýynsha, mekteptegi býllıng – qaıǵyly jaǵdaıǵa basty sebep bolǵan.
«Qyzymdy aýrýhanaǵa alyp ketti, mektepte ózine qol jumsamaq bolǵan. Eger bala sabaqqa durys jaýap bermese, búkil synyp ony mazaqtap, keleke etedi eken. Al muǵalim buǵan tosqaýyl qoımaǵan», dep jazdy ol Facebook paraqshasynda.
Balalardyń quqyqtaryn qorǵaý komıtetiniń habarlaýynsha, oqıǵa ornyna Psıhologııalyq qoldaý ortalyǵynyń mobıldi toby men bilim basqarmasynyń ókilderi bardy. Zardap shekken balaǵa jeke psıhologııalyq kómek kórsetilmek.
«Mektep ákimshiligine pedagogtarmen profılaktıkalyq jumys júrgizý jáne balalar arasyndaǵy sýısıdtik minez-qulyqty erte anyqtaý boıynsha usynystar berildi. Jaǵdaı quzyrly organdardyń baqylaýynda», delingen habarlamada.
Al QSI mektebi bul jaǵdaıǵa qatysty resmı pikir bildirýden bas tartqan.
