Eń aldymen, depýtattyń pikirinshe, jańa konstıtýsııalyq redaksııaǵa sáıkes, Quryltaıdyń zań shyǵarýshy bılikti júzege asyratyn eń joǵary ókildi organ bolyp bekitilgeni – bul zań shyǵarý prosesindegi artyq bıýrokratııany, palatalar arasyndaǵy uzaq kelisimder men kedergilerdi joıady jáne halyqtyń bılikke tikeleı qatysýyn qamtamasyz etedi.
«Konstıtýsııa boıynsha memlekettik bıliktiń birden-bir bastaýy – halyq. Bul degenimiz –Quryltaı jaı ǵana zań qabyldaýshy mekeme emes, ol –halyqtyń bılikke tikeleı qatysýyn qamtamasyz etetin, egemendigimizdiń sımvolyna aınalatyn eń joǵary legıtımdi organ degen sóz. Bılikke eshkimniń qol suǵýyna jol bermeıtin bul konstıtýsııalyq norma –memlekettiligimizdiń myzǵymas kepili. Quryltaı zańnyń jobalanýynan bastap onyń qabyldanyp, kúshine enýine deıin –basynan aıaǵyna deıin tolyq jaýapkershilikti óz moınyna alady», dedi ol.
Sonymen qatar, Serik Egizbaevtyń pikirinshe, partııalyq tizim – kásibılik pen saıası mádenıettiń kepili.
«Strategııalyq mańyzy bar taǵy bir sheshim – Quryltaıdyń proporsıonaldy negizde, ıaǵnı partııalyq tizimder arqyly jasaqtalýy. Bul – elimizdiń saıası mádenıetin múldem jańa bıikke kóteredi. Partııalyq tizim – Quryltaıdyń ıntellektýaldyq áleýetin qamtamasyz etetin negizgi tetik. Bul júıe arqyly biz Parlamentke qoǵamnyń barlyq tobyn, ásirese aýyl mamandaryn, bilimdi jastar men belsendi áıelderdi tartamyz», dep aıtty Májilis depýtaty.
Al Halyq Keńesine kelgende ol bul organnyń quzyreti burynǵy Qazaqstan halqy Assambleıasy ıe bolǵan múmkindikterden áldeqaıda keń jáne pármendi ekenin jetkizdi.
Serik Aqylbaı: Bul is júzinde jańa Konstıtýsııa
«Halyq Keńesiniń fýnksııalary endi ýaqytsha erejeler nemese jarlyqtar emes, Ata Zańnyń ajyramas bóligine aınaldy. Olar –myzǵymas, eshkimniń erkimen ózgermeıtin, konstıtýsııalyq turǵydan qorǵalǵan quqyqtar. Bul – Halyq Keńesiniń memlekettik ıerarhııadaǵy ornyn bekemdeıdi. Halyq Keńesi – Quryltaıǵa tikeleı zań jobalaryn engizýge jáne eń mańyzdy memlekettik máseleler boıynsha referendým bastamasyn kóterýge quqyly. «Aýyl» partııasy halyq júktegen osy tarıhı reformalardy júzege asyrý úshin óziniń barlyq kásibı áleýetinjumsaýǵa daıyn. Biz aýyldaǵy aǵaıynnyń senimine adal bolyp, el úmitin ispen aqtaýdy basty boryshymyz dep bilemiz», dep, ol óz sózin qorytyndylady.
