Jalǵan aqparatqa qarsy is-qımyl ortalyǵy Qazaqstan Respýblıkasynyń jańa Konstıtýsııasy jobasynyń mátininde sheteldikterge jer satýǵa tyıym salý alynyp tastaldy degen jalǵan aqparattyń taralýyn tirkep otyr.
Ortalyq atalǵan aqparattyń shyndyqqa sáıkes kelmeıtinin jáne faktilerdi burmalaý bolyp tabylatynyn málimdedi.
Qazaqstan Respýblıkasynyń qoldanystaǵy Konstıtýsııasynyń 6-baby 3-tarmaǵyna sáıkes «jer jəne onyń qoınaýy, sý kózderi, ósimdikter men janýarlar dúnıesi, basqa da tabıǵı resýrstar» jónindegi tujyrym jańa Qazaqstan Respýblıkasynyń Konstıtýsııasy jobasyndaǵy tujyrymmen birdeı jáne qandaı da bir ózgeristerge ushyraǵan joq.
Konstıtýsııalyq reforma jónindegi komıssııa atalǵan normalar ózgerissiz qalýǵa tıis ekenin rastady. Budan bólek, eger buryn memlekettiń tutastyǵy men ýnıtarlyǵy máselelerine qatysty erejeler qorytyndy jáne ótpeli qaǵıdalarda qamtylǵan bolsa, jańa Konstıtýsııa jobasynda olar konstıtýsııalyq qurylystyń negizderi retinde bastapqy taraýlarda bekitilgen. Bul memlekettiń aýmaqtyq tutastyǵy men bazalyq qaǵıdattarynyń ózgermeıtindigine beriletin quqyqtyq kepildikterdi edáýir kúsheıtedi.
2026 jylǵy 30 qańtardaǵy Qazaqstan Respýblıkasynyń jańa Konstıtýsııasy jobasynyń 2-baby:
2-t. Qazaqstan Respýblıkasynyń Egemendigi onyń búkil aýmaǵyn qamtıdy. Memleket óz aýmaǵynyń tutastyǵyn, bólinbeýin, oǵan qol suǵylmaýyn qamtamasyz etedi.
6-t. Qazaqstan Respýblıkasynyń Egemendigi, Táýelsizdigi, ýnıtarlyǵy, aýmaqtyq tutastyǵy men basqarý úlgisi ózgermeıdi.
Osylaısha, sheteldikterge jer satýǵa tyıym salýdyń kúshin joıý týraly málimdemelerdiń quqyqtyq negizi joq jáne azamattardy jańylystyrady.
Sonymen qatar Jalǵan aqparatqa qarsy is-qımyl ortalyǵy faktilerdi ádeıi burmalaý jáne manıpýlıasııalyq aqparatty taratý quqyqtyq saldarǵa ákelýi múmkin ekenin eske salady. Azamattar men medıa qaýymdastyq ókilderin málimetterdi resmı derekkózderden tekserýge, sondaı-aq destrýktıvti jáne manıpýlıasııalyq túsindirmelerdiń taralýyna jol bermeýge shaqyrady.
Aıta keteıik, buǵan deıin Ádilet mınıstri Erlan Sársembaev elimizdiń soltústik óńirlerine erekshe quqyqtyq mártebe berýdi usyndy degen aqparattyń jalǵan ekeni anyqtalǵan edi.
