Foto: adyrna.kz
Professordyń aıtýynsha, jańa Ata zańnyń qazaqsha mátini tilge jeńil, qurylymy jatyq termınder júıelenip, qazaq tili zańdylyǵyna saı jazylǵan.
«Komıssııanyń alǵashqy otyrysynda kóterilgen termınderdiń birizdiligi máselesiniń eskerilgenin atap ótkim keledi. Mysaly, zańgerler qoldanystaǵy Konstıtýsııada «quqyly», «haqyly», «quqyǵy bar», «quqyǵy joq», «haqysy bar» sııaqty termınder ártúrli kontekste qoldanylatynyn jıi synǵa alatyn. Jańa mátinde osy termınder maǵynasyna qaraı júıelenip, birizge túsken. Sondaı-aq termınologııa máselesinde qazaq tilindegi zańdylyqtar pen erekshelikter eskerilgen», deıdi ol.
Elvıra Ázimova: Komıssııa hatshylyǵyna 4 myńnan astam usynys kelgen
Sondaı-aq QazGZÝ AQ basqarma tóraǵasy Ata zańnyń jańa mátinin áriptesterimen birge oqyp shyqqanyn, sonyń ishinde kalka qurylymdar júıelenip, jatyq jazylǵanyn jetkizdi.
«Burynǵy redaksııada jıi kezdesetin «bolyp tabylady», «júzege asyrady» sııaqty kalkalyq qurylymdar jańa mátinde joqtyń qasy. Qoldanylǵan tustardyń ózinde de olar oryndy ári tildik jaǵynan úılesimdi berilgen», dedi Talǵat Nárikbaev.
Esterińizge salaıyq, 31 qańtarda Konstıtýsııalyq reformalar jónindegi komıssııa jańa Ata Zańnyń jobasyn jarııalady.
