QHP Mańǵystaý oblystyq fılıalynda partııa belsendileri men jergilikti máslıhat depýtattarynyń qatysýymen kezdesý ótti.
«Qazaqstan Halyq partııasy jańa Konstıtýsııanyń jobasyn qoldaıdy. Biz Prezıdent Qasym-Jomart Toqaevtyń saıası reformasyn iske asyrýdy Ádiletti Qazaqstan qurýdaǵy eń mańyzdy jáne zańdy qadam dep sanaımyz», dedi fılıal basshysynyń m.a. Rashıd Tóleýǵalıev.
Fılıal konstıtýsııalyq reforma taqyrybynda dóńgelek ústel uıymdastyrdy.
Qatysýshylar jobanyń negizgi tujyrymdaryn jan-jaqty talqylap, QHP-nyń osy máselege qatysty ustanymyn jáne kózqarasyn bildirdi, sondaı-aq konstıtýsııalyq ózgeristi iske asyrýdaǵy qoǵamdyq-saıası ınstıtýttardyń rólin qarastyrdy.
Batys Qazaqstan oblysyndaǵy partııalastarymyz da dóńgelek ústel uıymdastyryp konstıtýsııalyq reformany tilge tıek etti. Is-shara fılıal belsendileri men qoǵam ókilderi jáne sarapshylar qaýymdastyǵy arasyndaǵy ashyq pikir almasý alańyna aınaldy.
Memlekettik keńesshi: jańa Konstıtýsııa – ulttyq múddeni kózdeıdi
Fılıal tóraǵasy Borıs Lavrentev qatysýshylarǵa jobanyń negizgi tujyrymdaryn túsindirip, qujatqa engizilgen ózgerister demokratııalyq ınstıtýttardy nyǵaıtýǵa, azamattardyń quqyǵy men bostandyǵyn keńeıtýge jáne memlekettik organdardyń qyzmetine qoǵamdyq baqylaýdyń rólin arttyrýǵa yqpal etetinin aıtty.
Qatysýshylar usynylǵan ózgeristerdi, olardyń áleýmettik-saıası máni men elimizdiń damýyna qosatyn yqtımal áserin jan-jaqty talqylady.
«Zań ústemdigine, áleýmettik ádildik pen azamattardyń múddesin qorǵaý máselelerine erekshe nazar aýdaryldy», dep naqtylady uıymdastyrýshylar.
Barlyǵy mundaı pikirtalastyń mańyzy zor ekenin atap ótip, talqylaýǵa qatysýdy jalǵastyrýǵa daıyn ekenderin jetkizdi
QHP Aqmola oblystyq fılıalynda óńir belsendilerimen ashyq dıalog alańy uıymdastyryldy. Is-sharada qatysýshylar pikir almasyp, quqyqtyq jáne qoǵamdyq tetikterdi jetildirý boıynsha usynys bildirdi.
Partııa músheleriniń pikirinshe, bul zańnamany aıqyn jáne ádil etýge septigin tıgizedi. Dıalog barysynda qoǵam úshin mańyzdy máselelerdi konstrýktıvti talqylaýǵa ázir ekenin kórsetken belsendiler erekshe ról atqardy.
