Foto: AFP 2024 / Bulent Kilic
Mamandardyń boljamynsha, birqatar aımaqta qar, qar aralas jaýyn-shashyn, burqasyn, tuman jáne kóktaıǵaq bolýy yqtımal. Keı óńirlerde jeldiń ekpini sekýndyna 15-23 metrge jetedi.
Astanada qar aralas jaýyn-shashyn túsip, sońy kóktaıǵaqqa ulasady jáne kúndiz burqasyn soǵýy múmkin. Jeldiń ekpini sekýndyna15-20 metrge, keı ýaqytta 23 metrge deıin kúsheıedi.
Almaty qalasynda túngi jáne tańǵy ýaqytta tuman tússe, Qonaev qalasynda jeldiń kúsheıýi boljanyp otyr.
Shymkent pen Túrkistan qalalarynda túnde jáne tańerteń nóser jaýyn jaýady. Túrkistan oblysynyń ońtústigi men batysynda, sondaı-aq taýly óńirlerinde de jaýyn-shashyndy aýa raıy boljanǵan.
Atyraý oblysynda qar jaýyp, burqasyn soǵady. Túnde jáne tańǵy ýaqytta tuman túsip, kóktaıǵaq bolady. Jel soltústik-batystan jáne batystan soǵyp, ekpini sekýndyna 20 metrge deıin kúsheıedi. Jetisý oblysynyń soltústigi men taýly aýdandarynda tuman túsip, jolda kóktaıǵaq bolady.
Mańǵystaý oblysynda da qar jaýyp, kóktaıǵaq bolady. Aqtaý qalasynda ekpindi jel soǵady.
Ulytaý, Qaraǵandy jáne Aqmola oblystarynda jaýyn-shashynmen qatar burqasyn, tuman jáne kóktaıǵaq bolady.
Jambyl, Qyzylorda, Soltústik Qazaqstan, Aqtóbe jáne Abaı oblystarynda qar aralas jaýyn-shashyn, tuman, kóktaıǵaq jáne burqasyn boljanǵan. Taraz, Qyzylorda, Petropavl jáne Semeı qalalarynda jel kúsheıip, kún raıy qubylady.
Shyǵys Qazaqstan men Pavlodar oblystarynda da qar aralas jaýyn-shashyn, burqasyn jáne kóktaıǵaq boljanyp otyr. О́skemen men Pavlodarda jeldiń ekpini sekýndyna 20 metrge deıin jetedi.
Batys Qazaqstan jáne Qostanaı oblystarynda qar jaýyp, baıaý burqasyn soǵady. Keı jerlerde tuman túsip, Oral qalasynda túnde qarly boran soǵýy yqtımal.
Almaty oblysynyń birqatar aýdanynda tuman túsip, jeldiń ekpini sekýndyna 17-22 metrge deıin kúsheıedi.
