Rýhanı kesh Qýat Qurmanseıittiń «Ulytaýlyq urandar» atty óleńimen ashyldy. Ulytaý oblysy mádenıet, tilderdi damytý jáne arhıv isi basqarmasynyń mádenıet jáne óner bóliminiń basshysy Danagúl Baızaqqyzy qos qalamgerdiń qazaq ádebıeti men rýhanııatyndaǵy ornyna toqtaldy.
Kesh qonaqtary Ulytaý oblysy ardagerler keńesiniń tóraǵasy Saǵyndyq Qojamseıitov, Jezqazǵan qalasynyń qurmetti azamaty Raqysh Náshkenqyzy, belgili aqyn Ǵazız Eshtanaev Baýbek Bulqyshev pen Muqan Imanjanovtyń ómiri men shyǵarmashylyǵy jaıynda taǵylymdy oılarymen bólisti.
Baýbek pen Muqannyń jazǵan hattaryn №8 gımnazııa mektebiniń 10-synyp oqýshylary Nurjigit Aıyp pen Aıdyn Júsipov naqyshyna keltirip oqydy.
Jezqazǵan mýzykalyq kolledjiniń stýdentteri Erden Shakarman «О́z jerim meniń» atty avtorlyq ánin oryndasa, Syılas Amandyqov pen Batyrjan Ilıasov «Adaı» kúıin tartyp, kórermenniń qoshemetine bólendi.
Taıjan Qalmaǵambetov atyndaǵy fılarmonııanyń ánshileri Mádı Ardaquly «Qazaǵym-aı», Elaman Záını «Ulytaý» ánderin kásibı sheberlikpen oryndady.
«Erlik pen eldiktiń qos juldyzy» atty kitap kórmesi uıymdastyryldy. Kitap súıer oqyrman qos qalamgerdiń ómiri men eńbekterine qyzyǵýshylyq tanytty.
