Atalǵan bastama Qazaqstan Respýblıkasy Parlamenti Májilisiniń Tóraǵasy Erlan Qoshanov tóraǵalyq etken otyrystyń qorytyndysy boıynsha qurylǵan Jalpyulttyq koalısııa sheńberinde júzege asyrylyp jatyr.
Qalalyq koalısııa quramyna megapolıstegi qoǵamdyq-saıası ınstıtýttardyń shamamen 200 ókilin biriktirý kózdelgen. Olardyń qatarynda máslıhat depýtattary, saıası partııalar ókilderi, qoǵamdyq keńes músheleri, ǵylymı-sarapshylyq orta, zııaly qaýym, ardagerler men jastar uıymdarynyń ókilderi bar.
Uıymdastyrý otyrysynda koalısııa jumysynyń qurylymy naqtylanyp, derbes quramy men basshylyǵy bekitiledi. Sonymen birge aldaǵy kezeńdegi qyzmetiniń basym baǵyttary aıqyndalady.
Qalalyq koalısııanyń negizgi mindeti – keń aýqymdy qoǵamdyq-saıası birlestik qalyptastyryp, aldaǵy respýblıkalyq referendýmǵa qatysty máseleler boıynsha halyq arasynda júıeli aqparattyq-túsindirý jumystaryn júrgizý. Bul bastama azamattardyń konstıtýsııalyq reformalar jónindegi habardarlyǵyn arttyrýǵa jáne qoǵamdyq dıalogty kúsheıtýge baǵyttalǵan.
