Kezdesýge Parlament Májilisiniń depýtattary Maqsat Tolyqbaı, Janarbek Áshimjan jáne Sergeı Ponomarev, qoǵamdyq ınstıtýttar men áleýmettik qoldaý júıesiniń, bilim berý salasynyń ókilderi, jastar uıymdary men óńirlik aktıv músheleri qatysty.
Qonaev qalasynda jańa Konstıtýsııa jobasy men negizgi ınstıtýsıonaldyq ózgerister talqylandy
Zaýyt qyzmetkerleri aldynda sóz sóılegen Aıda Balaeva Koalısııanyń barlyq óńirlerde júıeli túsindirý jumystaryn júrgizip jatqanyn atap ótti. Onyń aıtýynsha, Koalısııa músheleri kásiporyndar men eńbek ujymdaryna arnaıy baryp, Jańa Konstıtýsııa jobasyn azamattarmen tikeleı talqylaýdy maqsat etip otyr. Usynylyp otyrǵan Ata zańnyń jańa redaksııasy qoǵamnyń ádilettilik pen aıqyn erejelerge degen suranysyn tolyq eskeredi. Al qujattyń túpki logıkasy azamattardyń múddesin qorǵaýǵa baǵyttalǵan.
«Biz sizderge Jańa Konstıtýsııa jobasynyń máni men aldaǵy referendýmnyń mańyzyn túsindirý úshin keldik. Jańa Konstıtýsııany halyqtyq dep ataýǵa tolyq negiz bar. О́ıtkeni túzetýler qoǵamnyń túrli ókilderiniń – zańgerlerdiń, sarapshylardyń, Senat pen Májilis depýtattarynyń qatysýymen ázirlendi. Eń bastysy, azamattarymyzdan onlaın formatta jáne tikeleı joldanǵan usynystar negizinde qalyptasty. Sondaı-aq jobada eńbek quqyqtaryn qorǵaý, óndiristegi qaýipsiz eńbek jaǵdaılaryn qamtamasyz etý jónindegi normalardyń bekitilgenin erekshe atap ótkim keledi. Sebebi qoldanystaǵy da, jańa Konstıtýsııadaǵy da eń basty qundylyq – adam ómiri. Biz qaýipsiz ómir, qaýipsiz qoǵam jáne qaýipsiz óndiris týraly aıtýymyz kerek», dedi Premer-Mınıstrdiń orynbasary.
Májilis depýtaty Janarbek Áshimjanov Jańa Konstıtýsııa jobasyn ázirleý jumysynyń aýqymy men onyń qoǵamdyq sıpatyna erekshe toqtaldy.
«Bul qujat ózdiginen paıda bolǵan joq. Onyń ázirlenýine úzdik ǵalymdar, zańgerler, ekonomıster men sarapshylar, táýlik boıy normalardy taldap, salystyrǵan jańa býyn kásibı mamandar qatysty. Joba qoǵamdyq talqylaýǵa shyǵarylyp, jarııalandy, medıakeńistikte jáne áleýmettik jelilerde keńinen sarapqa salyndy. Sondyqtan, menińshe, bul – azamattardyń senimin nyǵaıtyp, otbasy men balalyq shaqtan bastap ádildik pen júıeniń ashyqtyǵyna deıingi negizgi quqyqtardy tıimdi qorǵaýǵa qabiletti qujat», dedi Janarbek Áshimjanov.
Kezdesý barysynda eńbek ujymynyń ustanymyn kásiporyn tehnology Galına Sýharebreva pikir bildirip, konstıtýsııalyq normalardyń kadr daıarlaý júıesimen jáne jumysshy mamandyqtardy qoldaý sharalarymen ózara tyǵyz baılanysyna nazar aýdardy.
«Biz úshin adamı áleýet – jaı uran emes. Qandaı óndiris bolmasyn, bilim men ınnovasııasyz onyń damýy múmkin emes. Biz ózgeristerdi qoldaımyz jáne adamı áleýetke arnalǵan bólimde jumysshy mamandyq ıeleri men orta tehnıkalyq bilim berý máselesiniń de kórinis tabýy mańyzdy dep sanaımyz. Memleket elge bilikti mamandar daıarlap, jastardy qoldaý kórsetedi. Olar kásip meńgerip, óz isiniń naǵyz kásibı sheberine aınalyp otyr», dedi Galına Sýharebreva.
Keıin Jalpyulttyq koalısııa ókilderi otandyq zaýyttyń jumysymen jáne óndiriste zamanaýı tehnologııalardyń engizilý barysymen tanysty. Kezdesý sońynda Aıda Balaeva eńbek ujymymen jeke áńgimelesip, qoıylǵan suraqtarǵa jaýap berdi. Sondaı-aq, azamattardyń Ata zańnyń bolashaǵyna qatysty sheshim qabyldaýǵa tikeleı qatysýynyń negizgi tetigi referendým ekenin aıtty.
Abzal Quspan: Konstıtýsııalyq sot azamat pen memleket arasyndaǵy tóreshi bolady
