Sportshy dzıýdodaǵy árbir jeńis tatamıge shyqqan sátten bastalmaıtynyn, ol eń aldymen temirdeı tártipten, tabandylyqtan jáne erejeni jetik bilýden bastalatynyn aıtty.
Beıbit Sarybaı: Referendým – eldiń keleshegin aıqyndaıtyn mańyzdy saıası akt
«Sportshy úshin ár ádis, ár qımyl – sansyz saǵattyq jattyǵýdyń, mańdaı terdiń jáne óz-ózińdi únemi shyńdaýdyń nátıjesi. Sheshýshi sátte jaýapkershilikti tolyqtaı óz moınyńa alyp, bir ǵana sátte durys sheshim qabyldaı bilý – naǵyz jeńistiń kilti.
Tatamıge shyqqanda sen tek óziń úshin emes, artyńdaǵy eldiń, mıllıondaǵan jankúıerdiń úmiti úshin kúresesiń. Sol senim men qoldaý sońyna deıin berispeýge, bar kúsh-jigerińdi salýǵa jiger beredi. Úlken sportta tabys – ózińe adal bolýdan, tańdaǵan jolyńa berik bolýdan, qıyndyqqa moıymaýdan bastalady», dedi sportshy.
Erbolat Tólegen: Konstıtýsııadaǵy ózgerister memleketimizdiń damý baǵytyn aıqyndaıdy
Ábıbanyń aıtýynsha ómirdiń ózi de úlken sport sekildi. Ol da tártipti, jaýapkershilikti, sanaly sheshim qabyldaýdy talap etedi.
«Ásirese el taǵdyryna qatysty mańyzdy sátterde ár azamattyń ustanymy men tańdaýy aıryqsha mánge ıe. Aldaǵy jańa Konstıtýsııa boıynsha ótetin referendým – barshamyz úshin sondaı jaýapty kezeń. Negizgi zańǵa engiziletin ózgerister ádil qoǵam qurýǵa, ár azamatqa teń múmkindik berýge, jastardyń quqyqtaryn qorǵaýǵa baǵyttalǵan. 15 naýryzda men elimizdiń bolashaǵy úshin mańyzdy tańdaý jasap, reformalardy qoldap, referendýmǵa qatysamyn. Sebebi el taǵdyry – árqaısymyzdyń qolymyzda», dedi ol.
