Sýret: baibolsyn.kz
Oblys ákiminiń orynbasary Qanat Dúzelbaevtyń aıtýynsha, aýyl sharýashylyǵynyń ósimi – 10,2%, ónerkásip – 19,9%, ınvestısııa quıý – 3,9%, qurylys 27% ósim kórsetken. Sondaı-aq saýda – 12,6%, baılanys 1,1% ósimge qol jetkizgen.
Sonyń ishinde aýyl sharýashylyǵy jalpy óniminiń quny 1,1 trln teńge bolǵan. «Mundaı tabysqa qol jetkizý ońaı emes, eger memleket tarapynan bólingen 163 mlrd teńgege teń jeńildetilgen, qoldaý qarjylary bolmasa, joǵary tabys múmkin bolmas edi», deıdi Q.Dúzelbaev.
Mal ósirýdiń alǵysharttarynyń biri – veterınarlyq qyzmettiń joǵary sapada bolýy. Oblys osy talapty oryndaý úshin bıyl jańadan 57 veterınarlyq beket pen 2 aýdandyq stansa ashqaly otyr.
Aýyldyq jerlerde daý týdyryp júrgen máseleniń biri – aýrýdan ólgen maldy zararsyzdandyrý jumystary. Osyny eskere otyryp, maldyń óleksesin kómetin 32 oryn ashý josparlanǵan. Sonymen qatar joǵary tehnologııaly 85 dana veterınarlyq jaraqtar satyp alý da qarastyrylǵan.
Mal aýrýynyń aldyn alý maqsatynda bıyl 8 mln tuıaq maldy vaksınalaý kózdelip otyr. Biraq bul shara qatań baqylaýdy qajet etedi. Áıtpese ekpe salynǵany týraly jalǵan qujat jasaý ońaı. Vaksınalaýmen qatar, oblys 1,2 mln tuıaq mal men qusqa dıagnostıkalyq zertteýler jasaýdy josparlaǵan. Bul – 2025 jylǵa qaraǵanda eki esege artyq.
Osy jumystardyń bárin atqarýǵa mamandar men jumysshy qoly kerek. Byltyr oblysta barlyǵy 20 myńdaı adam túrli jumysqa ornalastyrylǵan. Sóıtip, oblystaǵy jumyssyzdyq deńgeıi 4,4 paıyzǵa tómendegen. Jumys oryndaryn toltyrýdyń bir amaly – qonys aýdarýshylar men qandastardyń kóship kelýine jaǵdaı jasaý. Bul maqsatqa arnaıy baǵdarlama jasalyp, iske asyrylyp jatyr.
Oblysta aýyl sharýashylyǵynyń jańa ónimderin shyǵaratyn jobalar da iske asyrylyp otyr. Byltyrdan beri «SalarFarm» JShS túıirshik jońyshqa shyǵaratyn 5 mlrd teńgeniń jobasy iske asyrylǵan. Kásiporyn tolyq kúshine engende 15 adamdyq jumys orny ashylýǵa tıis.
Sondaı-aq «Evrazıan Mılk» JShS jylyna 12 myń tonna qoıýlatylǵan sút shyǵaratyn sehty iske qosty. «Sever Agro LTD» JShS qurǵaq qymyz óndiretin ınnovasııalyq ferma ashty. 400 tuıaq bıeniń sútin qurǵatatyn bul óndiristiń quny 3,2 mlrd teńge boldy.
Soltústik Qazaqstan oblysy
