21 aqan kúni túngi 04.00 shamasynda bastalǵan daýyldyń jyldamdyǵy sekýndyna 30 metrge jetip, saldarynan 7 eldi mekendegi 29 nysannyń shatyry ushqan bolatyn. Olardyń qatarynda 10 áleýmettik nysan bar. Budan bólek 19 eldi mekende elektr jaryǵy sónip, 7 aýylda gaz berý ýaqytsha toqtatyldy. О́ńir basshysynyń tapsyrmasyna sáıkes, elektr jaryǵy men gazdy qalpyna keltirý boıynsha 10 brıgada iske kirisken. Aýdanda birneshe nysan boıynsha tótenshe jaǵdaı jarııalandy.
Merki aýdanynda da qatty jel saldarynan 5 aýyldyq okrýgtegi 27 turǵyn úıdiń shatyry ishinara zaqymdanǵan. Sonymen qatar 5 bilim berý nysanynyń shatyry men syrtqy qasbeti búlingen. 8 aýyldyq eldi mekende elektr jaryǵy sónse, 3 eldi mekende gaz jelilerine zaqym kelgen.
Jalpy, eki aýdanda da zardap shekken turǵyndar joq. Qoǵamdyq-saıası ahýal turaqty.
Qazirgi tańda daýyl saldarynan kelgen shyǵyn kólemin anyqtaý jumystary jalǵasýda. Kommýnaldyq jeliler shtattyq rejımde jumys isteýde.
Nurjan Kalenderov jumys sapary barysynda jedel shtab otyrysyn ótkizip, T. Rysqulov jáne Merki aýdandary ákimderine naqty mindetter júktedi.
О́ńir basshysynyń birinshi orynbasary eń aldymen elektr energııasy men kógildir otynnyń tolyq ári turaqty berilýin qamtamasyz etýdi, qajet bolǵan jaǵdaıda qosymsha kúshter men quraldardy tartýǵa usynys berýdi, qulaǵan aǵashtar men búlingen shatyrlardy jedel tazalaýdy, zaqym kelgen bilim berý nysandarynda balalardyń qaýipsizdigin saqtaýdy, sondaı-aq qalpyna keltirý jumystaryn sapaly ári belgilengen merzimde aıaqtaýdy tapsyrdy.
