Elimizdiń kóptegen óńirlerinde qar jaýyp, boran soǵady, tuman túsip, kóktaıǵaq bolady. Jeldiń jyldamdyǵy keı jerlerde 15-20 m/s-qa jetip, ekpini 23-28 m/s, keı óńirlerde 30 m/s jáne odan da joǵary bolýy múmkin.
-
Abaı oblysynda qar, boran, tuman jáne kóktaıǵaq kútiledi. Jeldiń ekpini 30 m/s-ten asýy yqtımal.
-
Aqmola, Pavlodar, Qostanaı, Soltústik Qazaqstan, Qaraǵandy, Ulytaý oblystarynda qar men boran kútiledi, tuman túsedi.
-
Shyǵys Qazaqstan oblysynda keı aýmaqtarda qatty qar jaýyp, boran soǵady.
-
Jetisý oblysynda tuman túsedi, Alakól mańynda jel 23-28 m/s-qa deıin kúsheıedi.
-
Qyzylorda, Mańǵystaý, Batys Qazaqstan, Aqtóbe oblystarynda tuman jáne ekpindi jel kútiledi.
-
Jambyl, Túrkistan, Almaty oblystarynda tuman bolady, taýly aımaqtarda jel kúsheıedi.
-
Almaty qalasy men Shymkentte túngi jáne tańǵy ýaqytta tuman kútiledi.
-
Astanada qar, boran jáne kóktaıǵaq boljanyp otyr.
Soltústik Qazaqstan oblysynda aýa temperatýrasy kúrt tómendep, kúndiz jáne túnde 20-25 gradýs aıazǵa deıin barady. Keı aýdandarda 24 aqpanǵa qaraǵan túni 32-37 gradýsqa deıin sýytýy múmkin. Almaty qalasy men Almaty oblysy aýmaǵyndaǵy Úlken jáne Kishi Almaty ózenderi basseınderinde qar jamylǵysynyń qalyń ári turaqsyz bolýyna jáne jylymyqqa baılanysty qar kóshkini qaýpi saqtalady.
Pavlodarda kóktaıǵaq saldarynan 150-den astam adam jaraqat alǵan
Mamandar qar basqan taý betkeılerine shyqpaýǵa keńes beredi, sebebi bul qar kóshkinin qozdyrýy múmkin. Taýly jerlerde barynsha saq bolý qajet.
