Joba aıasynda zaýyt qurylysyna 41,9 mlrd teńge ınvestısııa salý josparlanyp otyr. Kásiporyn jylyna 280 mln lıtrge deıin alkogolsiz sýsyn óndire alady. Nysandy iske qosý 2027 jylǵa belgilengen.
Aqtóbedegi «aqyldy» ótkel: NAZAR tehnologııasy jaıaý júrginshilerdi qalaı qorǵaıdy?
О́ńir basshysy bul bastama oblystyń ónerkásiptik áleýetin arttyrýda mańyzdy ról atqaratynyn atap ótti. Onyń aıtýynsha, joba iri ınvestısııa tartýmen qatar, jańa jumys oryndaryn ashýǵa, zamanaýı tehnologııalardy engizýge jáne óndiristiń ekologııalyq standarttaryn jetildirýge múmkindik beredi. Jergilikti bılik tarapynan ınvestorǵa jan-jaqty qoldaý kórsetiledi.
Joba sheńberinde 150 jańa jumys orny ashylady. Qazirgi tańda kásiporyn qurylysy úshin 41-razezd aýmaǵynan 25 gektar jer telimi bólinip, jobalaý jáne daıyndyq jumystary júrgizilip jatyr.
Jańa óndiristik keshen Coca-Cola Içecek kompanııasynyń Qazaqstandaǵy tórtinshi zaýyty bolmaq. Ol zamanaýı tehnologııalyq jelilermen, qaldyqtardy ekologııalyq basqarý júıelerimen jáne halyqaralyq turaqty damý standarttaryna saı energııa únemdeıtin sheshimdermen jabdyqtalady.
Atalǵan jobanyń júzege asýy Aqtóbe oblysynyń ındýstrııalyq ortalyq retindegi mártebesin nyǵaıtyp, óńirge iri halyqaralyq ınvestısııalar tartýǵa jáne ekonomıkanyń sabaqtas salalaryn damytýǵa serpin beredi.
