Foto: QMA
2023 jylǵy naýryzda memlekettik satyp alý qorytyndysy boıynsha Syrym aýdandyq turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bólimi men Sapak óndiristik kooperatıvi arasynda Jympıty aýylyndaǵy joldardy jóndeýge 259 mln teńge somasyna kelisimshart jasalǵan.
Tergeý barysynda Sapak óndiristik kooperatıvi dırektory men Ak-Bı JShS basshysynyń aldyn ala sóz baılasqany anyqtaldy. Olar senip tapsyrylǵan qarajatty ıemdenýdiń jasyryn shemasyn uıymdastyrǵan.
Elimizdegi ýnıversıtetterdiń birinde mıllıondaǵan qarjy jymqyrý faktisi anyqtaldy
Kúdiktiler oryndalǵan jumystar aktilerine júıeli túrde jalǵan málimet engizip otyrǵan. Qujattarda asfalt tóseý, jer qazý, betondaý jáne sý qubyrlaryn tartý jumystary tolyq kólemde kórsetilgenimen, is júzinde bul jumystar jasalmaǵan nemese mardymsyz kólemde ǵana oryndalǵan.
Jalǵan aktiler negizinde tapsyrys berýshi mekeme bıýdjet qarajatyn merdiger uıymnyń esepshotyna aýdaryp otyrǵan. Keıin túsken qarajat shemaǵa qatysýshylar arasynda bólingen.
Tergeý qorytyndysy boıynsha memleketke 56,5 mln teńge kóleminde materıaldyq zalal kelgeni anyqtaldy. Sot sanksııasymen kúdiktilerdiń biriniń páterine tyıym salyndy.
Qazirgi ýaqytta olarǵa qatysty eshqaıda ketpeý jáne tıisti minez-qulyq týraly qolhat túrindegi bultartpaý sharasy qoldanylǵan. Qylmystyq is sot qaraýyna joldandy.
Buǵan deıin sot úkimimen Syrym aýdandyq turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bólimi basshysy qyzmettik ókilettigin asyra paıdalanǵany úshin kináli dep tanylǵan.
Qylmystyq-prosestik kodekstiń 201-babyna sáıkes tergeýge qatysty ózge aqparat jarııalanbaıdy.
600 mln teńgeden astam bıýdjet qarajatyn jymqyrý: О́ńir medısınasyndaǵy bylyqtyń beti ashyldy
