Elimizdegi memlekettik qyzmettiń qalyptasý jáne damý kezeńderin júıelep, tarıhı murasyn saqtaý ári jas býynǵa úlgi etý maqsatyndaǵy bul bastama urpaq sabaqtastyǵyn nyǵaıtyp, memlekettik qyzmet qundylyǵyn keńinen nasıhattaýǵa baǵyttalǵan.
«Memlekettik qyzmet isteri agenttigi memlekettik qyzmettiń ımıdjin arttyrýǵa ári halyqtyń memlekettik qyzmetke senimin nyǵaıtýǵa baǵyttalǵan mańyzdy bastamalardy júzege asyryp keledi. Memlekettik qyzmetshiniń pozıtıvti ımıdjin qalyptastyrý jónindegi 2023–2025 jyldarǵa arnalǵan is-sharalar jospary aıasynda akademııanyń fılıaldary bazasynda ár oblysta mýzeı qurý kózdelgen», dedi Memlekettik qyzmet isteri agenttiginiń oblystyq departament basshysy Toqtamys Jumaǵulov.
Mýzeı elimizdegi jáne óńirdiń memlekettik qyzmet salasyndaǵy jetistikterdi kórsete otyryp, saladaǵy qyzmetshiniń oń ımıdjin qalyptastyrýǵa yqpal etetin bolady.
«Mýzeı memlekettik qyzmettiń mańyzdylyǵyn nasıhattaý úshin tarıh, ınnovasııa jáne bilimdi biriktiretin biregeı alań bolady. Nátıjesinde, atalǵan qyzmetti qoǵam memleket damýynyń negizgi elementi retinde qabyldaýyn kúsheıtedi», dedi Prezıdent janyndaǵy Memlekettik basqarý akademııasy Mańǵystaý oblystyq fılıalynyń dırektory Aıgúl Demeýova.
Mańǵystaý oblysy
