- Jaına Shekerbekova (54 kg) Tala Habbastan (Bolgarııa), Jazıra Oraqbaeva (51 kg) Fatıha Mansýrıden (Aljır), Ánel Saqysh (54 kg) Enhjargal Mýngýnsesegten (Mońǵolııa), Elına Bazarova (54 kg) Monık Sýrachıden (Aýstrııa), Mádına Nurshaeva (70 kg) Dılara Saqtan (Túrkııa), Baǵlan Kenjebek (55 kg) Abdýlázız Abdýnazarovtan (О́zbekstan), Sultanbek Aıbaruly (85 kg) Saba Kvınıkadzeden (Grýzııa), Ilıa Kalının (65 kg) Zaýr Gahramanovtan (Ázerbaıjan), Bekzat Tańatar (85 kg) Paolo Karýzodan (Italııa), Ertýǵan Zeınýllınov (65 kg) Djeıson Nevınnen (Irlandııa), Dáýlet Tólemisov (95 kg) Semıon Boldyrevten (Bolgarııa), Nurmagamed Iýsýpov (90 kg) Roselın Bachevskıden (Bolgarııa) basym tústi. Anıta Ádisheva (51 kg) Keıtlın Fraıerske (Irlandııa), Tımýr Qabdeshov (55 kg) Lorenso Patrısıoǵa (AQSh), Ábdikárim Ábdiǵalym (65 kg) Abdýlloh Madamınovqa (О́zbekstan) jol berdi.
- Abaı oblysynyń «Semeı» fýtzal klýby ÝEFA Chempıondar lıgasynyń shırek fınalyndaǵy alǵashqy matchyn Fransııanyń «Etýaline» qarsy ótkizdi. Lavaldaǵy báseke bastalǵan bette Brýno Gomes gol soǵyp, jerlesterimizdi alǵa shyǵardy. Biraq odan árige álimiz jetpedi. Odan keıin alań ıeleri qatarynan tórt ret mergendik tanytyp, aıqyn jeńiske jetti – 4:1. Qarymta kezdesý eki aptadan keıin Semeıde ótedi.
- Dýbaıda ATR týrnıri bastaldy. Aleksandr Býblık germanııalyq Iаn-Leonard Shtrýffpen sheberlik baıqasty. Osyǵan deıin ekeýi bes márte kezdesip, tek sońǵy, bıyl Rotterdamda ótken saıysta ǵana otandasymyz basymdyq tanytqan endi. Osy joly da Býblık óziniń myqtylyǵyn moıyndatty – 6:3, 6:4. BAÁ-de baq synap jatqan taǵy bir tennısshimiz Aleksandr Shevchenko reseılik Karen Hachanovqa jol berdi – 7:6, 2:6, 3:6. Al Meksıkanyń Merıdindegi dodada Iýlııa Pýtınseva sátsiz óner kórsetti. Álemniń 77-raketasy WTA reıtınginde ózinen 45 saty tómen turǵan Andorranyń oıynshysy Vıktorııa Hımenes-Kasınsevaǵa ese jiberdi – 4:6, 6:1, 4:6.
- Osy aptanyń aıaǵynda Tashkentte shymyldyǵy túriletin Gran-prı dodasynda elimizdiń 14 dzıýdoshysy kúsh synasady. Erler básekesinde Maǵjan Shamshadın, Talǵat Orynbasar (60 kg), Nurqanat Serikbaev, Aqyljan Jubatqanov (66 kg), Ańsarbek Ǵaınýllın, Ánýar Jumageldın (73 kg), Asqar Narqulov, Mádı Amangeldi (81 kg), Baraq Arqabaı (90 kg), Baqjan Baıtas, Beıbit Mádeev (100 kg), Elaman Erǵalıev, Erasyl Qajybaev (+100 kg) kúresedi. Áıelder arasynda Nazgúl Maratova (78 kg) óner kórsetedi.
- Bul kúnderi Sıngapýrde ústel tennısinen «WTT Singapore Smash 2026» týrnıri ótip jatyr. Elimizdiń eń úzdik oıynshysy Kırıll Gerasımenko 1/32 fınalda Álem kýboginiń eki dúrkin ıegeri, Azııanyń úsh dúrkin chempıony, qytaılyq Lın Shıdongpen kezdesti. Qazirgi kezde álemniń úshinshi raketkasy atanyp otyrǵan saqa sportshy jerlesimizdi oısyrata utty – 11:8, 11:6, 11:1.
