Foto: Medısınalyq jáne farmasevtıkalyq baqylaý komıteti
Monıtorıng kórsetkishi: Qandaı dárilerdiń baǵasy aıtarlyqtaı tústi?
Densaýlyq saqtaý mınıstrliginiń Medısınalyq jáne farmasevtıkalyq baqylaý komıtetiniń málimetinshe, bıyl dárilik zattardyń baǵasyn memlekettik retteýdiń jańa modeli iske qosyldy. Bul tetik baǵa qalyptastyrý úderisiniń ashyqtyǵyn, obektıvtiligin jáne boljamdylyǵyn arttyrýǵa baǵyttalǵan.
Qazirgi ýaqytta 4994 saýda ataýyndaǵy dárilik zatqa shekti baǵa bekitilgen. Al 1707 reseptisiz bosatylatyn preparat memlekettik retteýden shyǵarylyp, naryqtyq baǵamen satylyp jatyr. Degenmen olardyń quny ýákiletti organdardyń turaqty baqylaýynda tur.
Elimizdiń 20 óńirinde júrgizilgen taldaý nátıjesi baǵa serpininiń tómendeý baǵytyna oıysqanyn ańǵartady. Qyrkúıek aıynda maýsymmen salystyrǵanda pozısııalardyń 34%-ynda baǵa orta eseppen 7,8%-ǵa tómendece, qazan aıynda pozısııalardyń 50%-ynda baǵa orta eseppen 11,1 %ǵa arzandaǵan.
Bul – memlekettik retteý tetiginiń naqty nátıjesi bar ekenin kórsetetin kórsetkish.
Endi azamattar dári-dármek baǵasyn Naqty Onim arqyly teksere alady
Monıtorıng barysynda birqatar keńinen qoldanylatyn preparattardyń baǵasy edáýir tómendegeni anyqtaldy. Atap aıtqanda:
- Gepar komp. Heel – 41,2%-ǵa;
- Revmoksıkam® – 32,5%-ǵa;
- Sefıaps – 31,6%-ǵa;
- VALMAK-N – 24,7%-ǵa;
- Zıtmak® – 20%-ǵa.
Atalǵan dáriler túrli aýrýlardy emdeýde jıi taǵaıyndalady jáne halyq suranysyna ıe.
Elimizde dári-dármek baǵasy qymbattady jáne tapshylyq baıqalýda: Sebebi nede?
Zań talaptary qatań saqtalady
Komıtet barlyq óńirde dárilik zattar baǵasyna turaqty monıtorıng júrgizýdi jalǵastyryp otyr. Shekti baǵadan asyra satý faktileri anyqtalǵan jaǵdaıda Ákimshilik quqyq buzýshylyq týraly kodekstiń 426-babyna sáıkes jaýapkershilik qarastyrylǵan.
Baǵany negizsiz kóterý nemese dári-dármek satý kezinde zańbuzýshylyqtarǵa tap bolǵan azamattar DariKZ mobıldi qosymshasy arqyly nemese Medısınalyq jáne farmasevtıkalyq baqylaý komıtetiniń óńirlik departamentterine júginip, shaǵym qaldyra alady. Barlyq ótinishter zańnama talaptaryna saı qaralady.
Quzyrly organ turǵyndardy tek resmı aqparat kózderine súıenip, tekserilgen derekterge ǵana senýge shaqyrady.
