Búginde Qazaqstan densaýlyq saqtaý júıesinde shamamen 280 myńǵa jýyq medısına qyzmetkeri eńbek etedi. Olardyń 70%-dan astamyn áıelder quraıdy. Bul qatarda 56 myń dáriger men 167 myń meıirger bar.
Medısına qyzmetkerleri emhanalar men stasıonarlarda, jedel járdem qyzmetinde, sanıtarııalyq avıasııada, ǵylymı ortalyqtar men aýyldyq ambýlatorııalarda jumys istep, turǵyndarǵa sapaly ári qoljetimdi medısınalyq kómek kórsetýge úles qosyp keledi.
Saltanatty sharany ashqan densaýlyq saqtaý mınıstri Aqmaral Álnazarova medısına júıesiniń damýyna áıelderdiń qosyp otyrǵan úlesi erekshe ekenin atap ótti.
«Búginde áıelderimiz – júıeniń senimdi tiregi, jańa bastamalardyń kóshbasshysy, medısına salasyndaǵy kadrlardyń jartysynan astamyn quraıtyn qýatty kúsh. Salalyq reformalardyń tabysty júzege asýy, azamattardyń densaýlyǵyn jaqsartý jáne profılaktıkalyq baǵytty kúsheıtý – kóp jaǵdaıda sizderdiń eńbekterińizdiń nátıjesi. Sizderdiń biliktilikterińiz, jaýapkershilikterińiz jáne iske adaldyqtaryńyz búkil salanyń turaqtylyǵyn qamtamasyz etedi», dep atap ótti mınıstr.
Medısına fakýltetiniń stýdentteri jańa Konstıtýsııa jobasyn talqylady
Mınıstr óz sózinde Qasym-Jomart Toqaevtyń medısına salasyn damytýǵa jáne qyzmetkerlerdi qoldaýǵa erekshe kóńil bólip otyrǵanyn da atap ótti.
