Oblys ákimi Qumar Aqsaqalov aldaǵy referendýmnyń ashyq ári ádil ótýi mańyzdy ekenin atap ótip, jańa Konstıtýsııanyń basty qaǵıdalary adamı kapıtaldy damytýǵa, azamattyq qundylyqtardy qorǵaýǵa baǵyttalǵanyn basa aıtty.
«15 naýryzda jańa Konstıtýsııany qabyldaý boıynsha respýblıkalyq referendým ótedi. Konstıtýsııanyń preambýlasynda alǵash ret adamǵa degen qurmet, jaýapkershilik jáne ádildik qaǵıdattary negizgi qundylyqtar retinde kórsetilip otyr. Bul memlekettik saıasattyń basty basymdyǵy – adam, onyń quqyqtary men ómir súrý sapasy ekenin aıqyndaıdy», dedi ákim.
Oblys basshysynyń aıtýynsha, óńir ekonomıkasy órkendegen saıyn, halyqtyń ál-aýqaty artyp keledi. Kóptegen jańa jumys oryndary ashylyp, turǵyndardyń tabysy edáýir ósken. Zamanaýı ınfraqurylymnyń órisi keńeıip, jastardyń sapaly bilim alýyna qajet jaǵdaıdyń bári jasalyp otyr.
Astanada jańa Konstıtýsııa jobasy boıynsha aýqymdy túsindirý jumystary ótti
Qazirgi tańda oblysta jalpy quny 2,4 trln teńgeni quraıtyn 79 ınvestısııalyq joba júzege asyrylyp jatyr. Nátıjesinde 13 myńnan astam jumys orny ashylady. О́ńirde ótken jyldyń ózinde 12 ındýstrıaldy joba iske qosyldy. Investısııa kólemi – 337,3 mlrd teńge. Aımaq ekonomıkasyna tyń serpin ákelgen iri jobalardyń qatarynda – «KIA Qazaqstan» zaýyty (131,5 mlrd teńge) da bar. Jylyna 70 myń avtokólik shyǵaratyn kásiporynda 1 500 adam eńbek etedi. Sondaı-aq byltyr «KamLitKZ» kompanııasy avtoónerkásipke qatysty úsh iri jobany iske asyrdy. Atalǵan joba sheńberinde 1 150 jańa jumys orny ashyldy.
О́ńirdiń aýyl sharýashylyǵy salasynda da aýyz toltyryp aıtarlyq jetistikter jeterlik. Máselen, ótken jyldan beri astyqty tereń óńdeý jobasy iske asyryla bastady. Munyń syrtynda, Qarabalyq, Meńdiqara, Qostanaı, Fedorov, Altynsarın aýdandarynda 7 birdeı zamanaýı taýar-sút kesheni iske qosyldy. Bıyl dál osyndaı taǵy 5 keshen ashylmaq.
Kóshbasshy áıelder jańa Konstıtýsııa qundylyqtaryn tolyq qoldady
Dóńgelek ústel otyrysynda Konstıtýsııalyq komıssııa múshesi Saılaýbek Esjanov jańa Konstıtýsııa jobasynda Qazaqstan halqy egemendiktiń ıesi, memlekettik bıliktiń birden-bir bastaýy retinde qarastyrylǵanyn aıtty.
«Atameken» palatasynyń ókili Renat Dáýletbaev jańa jobada jeke menshikti qorǵaý, zań ústemdigi, ádil básekelestik tárizdi qundylyqtardyń Konstıtýsııa kúshimen qorǵalatynyn tilge tıek ete kelip, kásipkerler úshin mańyzdy birneshe bapty tarqata taldap berdi.
Azamattardyń 90%-ǵa jýyǵy jańa Konstıtýsııa jobasyn qoldaıdy
Otyrysqa qatysýshylar jańa Konstıtýsııa jobasyn biraýyzdan qoldap, aldaǵy referendýmda óńirdiń, jalpy eldiń turaqty damýy úshin ún qatyp, óz tańdaýymyzdy jasaımyz degen uıǵarymǵa keldi.
Qostanaı oblysy
