Aqmola oblysynyń Jaqsy aýdanynda Uly Jeńistiń 70 jyldyǵy qarsańynda jáne «О́mir joly» jobasynyń aıasynda Uly Otan soǵysynyń ardageri Anatolıı Komıakovqa ortalyqtandyrylǵan «SOS» júıesine qosylǵan dabyl telefony tabys etildi.
Anatolıı Vasılevıch Reseıdiń Kostroma oblysynda týǵan. Ásker qataryna 1943 jyly shaqyrylyp, 3-shi Ýkraına maıdanyna jiberilgen. Jeńis kúnine deıin ol 244-shi dıvızııanyń 325-shi barlaýshylar rotasynda qyzmet etken.
Anatolıı Vasılevıchtiń aıtýynsha, onyń denesinen birneshe ret ota jasaý arqyly 250 snarıad jaryqshaǵy alynypty. A.Komıakov III dárejeli «Dańq» ordenimen marapattalǵan. Ol Vengrııa, Avstrııa sııaqty elderdegi qııan-keski shaıqastarǵa qatysyp, jeńisti Rýmynııada qarsy alypty. 1945 jyly elge oralǵan ardager sharýashylyqta usta bolyp jumys istegen.
Jeńis jaýyngeri 1968 jyly otbasymen birge Jaqsy aýdanyna qarasty Qaıraqty aýylyna kóship kelip, búgingi kúnge deıin osynda turyp jatyr. О́ziniń súıikti isi – ustalyq jumysqa 33 jyl ómirin arnady. Ol zeınetkerlikke shyqqan soń da aýyldaǵy kóptegen jumystarǵa aralasyp júrdi. Sebebi, onyń uzaq jyldarǵy tájirıbesi men biliktiligi elge qashan da qajet.
Baqbergen AMALBEK,
«Egemen Qazaqstan».
Aqmola oblysy,
Jaqsy aýdany.
