Platformany mektep ustazdarynan bólek, kolledj oqytýshylary men balabaqsha tárbıeshileri de qoldanady. Jobanyń negizin qalaýshy – kásipker Elaman Baýyrjanuly men onyń seriktesi Madııar Serikbaıuly. Platforma komandasynda qazir 50-ge jýyq qyzmetker jumys istep jatyr. Onyń ishinde IT mamandary, ádisker, kýratorlar bar. Júıe qazaq, orys, aǵylshyn, ózbek tilderinde qyzmet kórsetedi.
Ustazdar qaýymy kúndelikti sabaq ótkizý úderisine, semınar sabaqtaryna osy platformany belsendi qoldanady. QMJ, ǵylymı joba, avtorlyq baǵdarlama, ádistemelik qural jazyp alýdan bólek, kórnekilikter men oıyndar generasııasy, keri baılanys, prezentasııany jasaý múmkindigi de qoljetimdi.
«Qazir osy platformaǵa elimizden bólek, О́zbekstan, Qyrǵyzstannan suranystar túsip jatyr. Muǵalimderge saıttan shyǵyp jańa dúnıe izdeýdiń qajeti joq. Barlyǵy Oqý-aǵartý mınıstrligi talabyna saı, bir jerde shoǵyrlanǵan. Onyń da óz sebebi bar. Birinshiden, muǵalimderdiń qajettiligin tolyqtaı platforma jaba alýyna jumys istedik. Shetelden shyqqan platformalarda ondaı múmkindik ázirge joq. Ekinshiden, qarjylyq másele. Qazir muǵalimder ashyq sabaqta jasandy ıntellektini qoldanyp jatyr. Biraq ony ustazdardyń bári jasaı almaıdy. Sondyqtan ony bireýge jasatyp, satyp alady. Odan bólek, QMJ, kórnekilikterge taǵy shyǵyndanady. Alaıaqtyń aýzyna jem bolyp qalatyn ustazdar da barshylyq. Osylaısha, muǵalimderdiń qaltasy qaǵylady. Sol úshin de bizdiń platformaǵa muǵalimge kerektiniń bárin jınaqtadyq. Mundaǵy jasandy ıntellekt bar bolǵany 1-5 mınýtta eki saǵattan bir aptaǵa deıingi jazatyn materıaldy daıyndap beredi. Ishinde sóıleıtin jasandy ıntellekt, ulttyq, toptyq baǵyttaǵy oıyndar generasııasy da bar. Oqytýshy taqyryp pen synypty kórsetse jetkilikti», deıdi joba jetekshisi Madııar Serikbaıuly.
Platformanyń paıdasyn ony kún saıyn qoldanyp júrgen muǵalimder jaqsy biledi. Sebebi kez kelgen sıfrly quraldyń quny – jarnamasynda emes, sabaq barysyndaǵy naqty nátıjesinde ólshenedi. Osy turǵydan alǵanda, «Shyraq AI»-dy tájirıbe júzinde synap, tıimdiligin kórgen ustazdardyń pikiri mańyzdy.
«Shyraq AI» platformasyn ótken jyldyń qazan aıynan bastap qoldanyp kelemin. Áýelde qysqamerzimdi jospardy daıyndaý úshin alǵanmyn. Odan keıin basqa da resýrstar qosyldy. Qazir «Tapqyr», «Ushqyr», «Bilgir» bólimderi arqyly tapsyrmalar qurastyryp kúndelikti sabaǵymda paıdalanyp júrmin. QMJ, BJB jumysyn edáýir jeńildetti. Nátıjesin kórgen soń basqa da muǵalimder qyzyǵýshylyq tanytyp, Shyraq AI-men balalar shyraǵyn jaǵyp júr», deıdi Jetisý oblysy, Dostyq orta mektebiniń bıologııa páni muǵalimi Gúlmıra Omarova.
«Shyraq AI»-dyń basty artyqshylyǵy tek materıaldy jyldam jasatýmen shektelmeıdi. Joba komandasy JI-di durys qoldanýǵa baǵyttaıtyn qoldaý júıesin de qatar usynǵan.
«Kópshilik muǵalim jasandy zerdeni qoldaný barysynda durys tapsyrma bere almaı nemese qalaı qoldaný kerektigin bilmeı tyǵyryqqa tirelip jatady. Sol sebepti de kýratorlar qyzmeti qosylǵan. Tańǵy 9-dan 23-00-ge deıin kýratorlarymyz tynbaı eńbektenip júr. Kóp platformada jasandy bot jaýap beredi, al bizde kýratorlar aýdıo, beınejazba arqyly baılanysqa shyǵyp ustazdarǵa kómek kórsetedi. Jalpy, Prezıdent bastamasymen qazir jasandy zerdeni mektep jumysyna kiriktirýge kóp kóńil bólinip jatyr. Muǵalimder baıandama, pedagogıkalyq ıdeıalaryn da osy JI tóńireginde jazyp jatyr. Bul bastamaǵa «Shyraq AI» arqyly biz de óz úlesimizdi qosa aldyq dep oılaımyz», deıdi joba jetekshisi Elaman Baýyrjanuly.
