Halyqaralyq mıssııa: ashyqtyq pen jarııalylyq

10 ret

kórsetildi

1 mın

oqý úshin

Ortalyq referendým komıssııasynyń tóraǵasy Nurlan Ábdirov Shanhaı yntymaqtastyǵy uıymy baıqaýshylar mıssııasynyń basshysy – ShYU Bas hatshysynyń orynbasary Oleg Kopylov pen Túrki memleketteri uıymy mıssııasynyń basshysy – TMU Bas hatshysynyń orynbasary Omer Kodjamanmen kezdesti.

Zeıin ERǴALI

Halyqaralyq mıssııa: ashyqtyq pen jarııalylyq

Sýret: gov.kz

Kezdesýde ORK tóraǵasy aldaǵy referendýmǵa daıyndyq barysy men ótkizý tártibi týraly keńinen baıandady. N.Ábdirov referendým komıssııalarynyń jumysy, ýchaskelerdiń materıaldyq-tehnıkalyq jabdyqtalýy, azamattardyń referendýmǵa qatysý quqyǵyn júzege asyrýǵa jasalǵan jaǵdaılar jáne aqparattyq-túsindirý sharalary jóninde aıtty.

«Referendýmdy baıqaý úshin 38 memleket pen 11 halyqaralyq uıymnan 359 baıqaýshy qatysady. Halyqaralyq baıqaýshylardyń qatysýy referendýmdy ótkizýdiń ashyqtyǵy men jarııalylyǵyn qamtamasyz etýge, sondaı-aq daýys berý úderisiniń ulttyq zańnamaǵa sáıkes uıymdastyrylyp jatqanyn halyqaralyq qaýymdastyqtyń kórýine múmkindik beredi», dedi ol.

Kezdesý barysynda taraptar jalpyhalyqtyq naýqandy baıqaýdy uıymdastyrýdyń jekelegen máselelerin, halyqaralyq baıqaýshylardyń jumysyna jasalatyn jaǵdaılardy jáne ózara is-qımyl tetikterin talqylady. О́z kezeginde halyqaralyq mıssııalardyń basshylary referendýmdy halyqaralyq baıqaý boıynsha jumys josparlarymen bólisti.