Jáırem kentindegi 6 ýchaskede taý-ken baıytý kombınatynyń aýysymdyq jumys kestesine baılanysty daýys berý saǵat 06:00-den 20:00-ge deıin uıymdastyrylady.
Ulytaý oblysy boıynsha daýys berý tizimine 136 447 azamat engizilgen.
Múgedektigi bar azamattardyń daýys berýine qolaıly jaǵdaı jasalǵan. Barlyq ýchaskeler pandýstarmen jáne arnaıy tutqalarmen jabdyqtalǵan. Sondaı-aq kreslo-arba paıdalanatyn azamattarǵa volonterlar kómegi kórsetilip, oblys boıynsha 7 ınvataksı qyzmeti jumys isteıdi.
Alǵashqylardyń biri bolyp Ulytaý oblysy Assambleıa jastarynyń jetekshisi Pak Evgenıı Vıacheslavovıch daýys berdi. Ol Jezqazǵan qalasynyń «Qoǵamdyq kelisim» KMM-de bas sarapshy bolyp jumys isteıdi. Evgenıı Pak Ulytaý oblysynyń jastary arasynda memlekettik saıasatty nasıhattaý jáne etnomádenı birlestikterdiń jastar qanattarynyń jumysyn uıymdastyrý isinde óte belsendilik tanytyp júrgen jalyndy jas.
Ol jetekshilik etetin «Assambleıa jastary» kúni keshe ǵana Kórisý kúnine oraı óńirdegi ardaqty ájelerdiń úıine baryp, merekemen quttyqtady. Jastar jyly lebizderi men izgi tilekterin aıtyp, merekelik kóńil kúı syılady. Sonymen qatar, úlkenderge qurmet kórsetip, tort pen baýyrsaq aparyp, dastarhanǵa tartý etti.
«Men Ulytaý oblysy, Jezqazǵan qalasyndaǵy 20 saılaý ýchaskesine kelip, óz daýysymdy berdim. Bul meniń Qazaqstan azamaty retinde ustanǵan azamattyq pozısııam dep bilemin. Referendýmnyń jumysyna sáttilik tileımin!», deıdi alǵashqylardyń biri bolyp daýys bergen Evgenıı Pak.
Ulytaý oblysy
