Tilshiler saýalyna jaýap bergen baıqaýshylar referendým barysy qalypty ótip jatqanyn, daýys berý ýchaskelerinde qazirge deıin zańǵa qaıshy áreketter oryn almaǵanyn tilge tıek etti.
«Er Azamat» qoǵamdyq birlestiginiń ókili Alına Kan daýys berý úderisiniń bel ortasynda júrgen baıqaýshylardan saǵat saıyn aqparat alyp otyrǵanyn, referendýmǵa daıyndyq kezeńinde baıqaýshylardyń biliktiligin arttyrý baǵytyndaǵy jumystar júıeli júrgizilgenin atap ótti.
«Bizdiń baıqaýshylar referendýmdaǵy ár sátti jiti qadaǵalap otyr. Referendým aıaqtalyp, daýystardy sanaý kezinde de olar sonda bolady. Bolashaǵymyz aıqyndalatyn jaýapty kezeńde el azamattary shet qalmaıdy dep senemin», deıdi Alına Kan.
Sondaı-aq qoǵam qaıratkeri Andreı Andreev qoǵamnyń saıası belsendiligi men azamattyq jaýapkershiligi artqanyn, referendým barysynyń ashyqtyǵy barynsha saqtalyp otyrǵanyn málimdedi.
Almatyda referendým barysyn 1300-den astam táýelsiz baqylaýshy qadaǵalap otyr
Aıta ketsek, referendým barysyndaǵy tyń aqparattar men tilkeleı efırdi Independ.kz aqparat agenttiginiń YouTube arnasynan, sondaı-aq Qoǵamdyq kommýnıkasııalar ortalyǵynyń áleýmettik jelilerdegi resmı paraqshalarynan kórýge bolady.
