«Saılaý ýchaskelerinde baıqaǵanymnyń negizinde respýblıkalyq referendým aıasynda daýys berý prosesi qoldanystaǵy zańnamaǵa sáıkes ótip jatyr degen qorytyndyǵa keldim. Prosedýralar ashyq, standarttarǵa saı boldy. Azamattar óz erkin bildire aldy. Eshqandaı aralasýlar men qandaı da bir oqıǵalar bolmaǵanyn atap ótkim keledi», dedi AО́SShK-niń jańa syn-qaterler men qaýipter ólshemi boıynsha sarapshysy, elshi Mýtaz Faleh Saleh Alhııasat.
AО́SShK Adam ólshemi salasyndaǵy sarapshysy, elshi Ismat Djahan da óz pikirin bildirip, barlyǵy beıbit jaǵdaıda ótkenin atap ótti.
«Men AО́SShK hatshylyǵyndaǵy áriptesimmen birge úsh saılaý ýchaskesinde referendým prosesin baıqaý múmkindigine ıe boldym. Men de dál osyndaı qorytyndyǵa keldim: jalpy alǵanda, keńistikti uıymdastyrý óte sapaly boldy, adamdar kelip, bıýlletenderin jáshikke salyp, óte rıza kúıde ketip jatty. Barlyǵy beıbit jaǵdaıda ótti. Tipti kishkentaı balalar da otbasynyń eresek múshelerine erip kelip jatty. Bul halyq arasyndaǵy yntanyń bar ekenin kórsetedi. Sondaı-aq jas býyn úshin óz saıası quqyqtaryn paıdalanýdyń mańyzdy ekenin kórsetetin úlgi», dedi spıker.
О́zbekstan OSK tóraǵasy: Jastar belsendiligi – azamattyq jaýapkershilik kórinisi
