Halyqaralyq baıqaýshylarǵa qolǵabys kórsetý ortalyǵynda ótken baspasóz konferensııasynda Shanhaı yntymaqtastyq uıymy mıssııasynyń basshysy, Bas hatshysynyń orynbasary Oleg Kopylov 2026 jylǵy 15 naýryzda ótken respýblıkalyq referendýmdy daıyndaý jáne ótkizý barysyn baqylaý nátıjeleri týraly málimet berdi. Onyń aıtýynsha, mıssııa quramynda ShYU-ǵa múshe jeti memleketten akkredıttelgen 17 baqylaýshy jumys istegen.
Baqylaýshylar eldegi saıası naýqannyń zańnamalyq talaptarǵa saı uıymdastyrylǵanyna nazar aýdarǵan. Mıssııa ókilderi referendýmdy daıyndaý jáne ótkizý kezeńderin baqylaý barysynda ulttyq zańnama talaptarynyń buzylǵanyn nemese daýys berý nátıjesine áser etýi múmkin qandaı da bir zańsyz áreketterdi tirkemegenin aıtty.
«Mıssııa Qazaqstan Respýblıkasynyń jańa Konstıtýsııasyn qabyldaý jónindegi respýblıkalyq referendým Qazaqstan Respýblıkasynyń saılaý zańnamasynyń talaptaryna jáne el qabyldaǵan halyqaralyq mindettemelerge sáıkes ótkenin atap ótedi. Mıssııa referendýmnyń zańdylyǵyna kúmán keltiretin nemese onyń nátıjelerine áser etýi múmkin ulttyq zańnama normalarynyń buzylýyn tirkegen joq. Mıssııa respýblıkalyq referendýmdy ashyq, senimdi jáne demokratııalyq dep tanıdy. Mıssııa referendým Qazaqstan Respýblıkasyndaǵy demokratııalyq prosesterdiń odan ári damýyna jasalǵan mańyzdy qadam boldy dep esepteıdi. Bizdiń mıssııa jumysynyń qorytyndysy boıynsha málimdeme qabyldandy, ol mıssııanyń barlyq músheleri tarapynan maquldandy. Málimdeme mátini belgilengen tártippen Ortalyq referendým komıssııasyna joldanyp, buqaralyq aqparat quraldarynda jarııalanady», dedi Oleg Kopylov.
Túrkııa Joǵarǵy saılaý keńesiniń tóraǵasy: Qazaqstan referendýmǵa sapaly daıyndalǵan
ShYU mıssııasynyń qorytyndy málimdemesi halyqaralyq baqylaýshylardyń referendým barysyn oń baǵalaǵanyn kórsetedi. Bul baǵa eldegi saıası reformalar men demokratııalyq ınstıtýttardyń damýyna baǵyttalǵan bastamalardyń halyqaralyq deńgeıde de nazardan tys qalmaǵanyn ańǵartady.
