TMD baqylaýshylar mıssııasynyń jetekshisi Igor Petrıshenkonyń aıtýynsha, baqylaýshylar elde halyqaralyq baqylaý prınsıpterin saqtaı otyryp, erkin jáne táýelsiz jumys istegen.
Ol sondaı-aq mıssııa quramynda 161 baqylaýshy akkredıttelgenin atap ótti.
«Mıssııa jumysy ashyq ári ádil boldy. Shtab referendýmǵa daıyndyq monıtorıngi týraly aqparattyq habarlamalardy únemi taratty. BAQ ókilderine suhbat berildi. Osy oraıda, mıssııamyzdyń jumysyn jan-jaqty jáne kásibı qamtyǵan barlyq jýrnalısterge alǵysymdy bildiremin», dedi mıssııa basshysy.
Túrki memleketteri uıymynyń baqylaýshylary: Referendým ashyq jáne zańǵa sáıkes ótti
TMD baqylaýshylarynyń baǵalaýynsha, Qazaqstannyń zańnamalyq bazasy demokratııalyq daýys berýge qajetti barlyq sharttardy qamtamasyz etedi.
«Referendým ótkizý zańnamasy halyqaralyq quqyq normalaryna saı, jalpyǵa tanylǵan prınsıpterge sáıkes júrgizildi. Halyq erkin jáne demokratııalyq túrde daýys berdi», dedi Petrıshenko.
Onyń aıtýynsha, Ortalyq referendým komıssııasy da daýys berýdi uıymdastyrý úshin barlyq qajetti sharalardy qabyldady.
«Ortalyq referendým komıssııasy referendýmǵa daıyndyqty joǵary deńgeıde uıymdastyrdy. Barlyq deńgeıdegi referendým komıssııalary, memlekettik organdar men BAQ halyqtyq daýys berýge daıyndyq pen ony ótkizý prosesin keńinen qamtydy», dedi Petrıshenko.
Mıssııa málimeti boıynsha, daýys berý kúni baqylaýshylar júzdegen saılaý ýchaskesinde boldy.
«Referendým kúni mıssııa ókilderi Qazaqstannyń toǵyz óńirinde 750-den astam ýchaskeni baryp baqylady. Sheteldegi ýchaskelerde de baqylaý júrgizildi. Mıssııa músheleriniń habarlaýynsha, saılaý ýchaskeleri ýaqytynda ashyldy, daýys berý memlekettik Ánurannyń oryndalýymen bastaldy jáne tynysh ótti», dedi mıssııa jetekshisi.
Imran Sadıhov: Bas hatshylyq referendýmnyń beıbit ári tártippen ótkenin joǵary baǵalaıdy
Sonymen qatar, ol daýys sanaý kezeńi zańǵa sáıkes júrgizilgenin atap ótti.
«Daýys sanaý prosedýrasy zańǵa sáıkes júzege asyryldy. Baqylaýshylar tirkegen keıbir kemshilikter tehnıkalyq sıpatta bolyp, ýchaske komıssııalary arqyly jedel túzetildi», dep qorytyndylady TMD baqylaýshylar mıssııasynyń basshysy.
