2026 jyldan bastap baǵdarlamaǵa birneshe jańalyq engizildi. Eń bastysy, jalpy bilim beretin pánder boıynsha halyqaralyq olımpıadalardyń jáne ǵylymı jobalardyń I-III oryn ıegerleri «bakalavrıat» sanatyna qatysa alady. Sonymen qatar atom energetıkasy salasy boıynsha jeke baǵyt ashyldy, al «Jasandy ıntellekt» baǵyty boıynsha kásibı taǵylymdamalarǵa bólek sanat bólindi.
2026 jyly «Bolashaq» baǵdarlamasy boıynsha 635 stıpendııa bólindi: bakalavrıat – 20, magıstratýra – 400, doktorantýra – 50, kásibı taǵylymdamalar – 165. Basym mamandyqtar tizbesi memlekettik organdardyń suranysyna jáne ekonomıkadaǵy kadrlyq qajettilikke saı qalyptastyryldy.
Túrkııada bilim alyp jatqan qazaq jastary referendýmǵa belsendi qatysty
Baǵdarlamaǵa qatysý úshin joǵary oqý oryndarynyń tizimi jańartylyp, óz salasynda jetekshi ýnıversıtetter qosyldy. Sondaı-aq ǵylymı taǵylymdamalarǵa arnalǵan joǵary oqý oryndary men ǵylymı ortalyqtardyń tizimi usynylǵan. «Ǵylymı taǵylymdamalar» baǵdarlamasyna qujat qabyldaý 16 naýryzdan 30 qazanǵa deıin júrgiziledi. Qujattar egov.kz arqyly nemese Astana qalasy, Syǵanaq kóshesi, 70 mekenjaıynda ornalasqan «Halyqaralyq baǵdarlamalar ortalyǵy» AQ keńsesiniń 5-qabat, 508-kabınetinde (qolma-qol) qabyldanady. Basqa qaladan kelgen úmitkerler senimhat arqyly tapsyra alady.
«Ǵylymı taǵylymdamalar» baǵdarlamasy álemniń jetekshi ǵylymı ortalyqtarynda qazaqstandyq ǵalymdardyń biliktiligin arttyrý maqsatynda uıymdastyrylǵan. 2026 jyly ǵylymı taǵylymdamalarǵa 250 stıpendııa bólindi. Baǵdarlama oqý aqysy, medısınalyq saqtandyrý, vızalyq rásimder, ushaq bıletteri jáne oqý materıaldaryn satyp alý shyǵyndaryn, sondaı-aq aı saıynǵy stıpendııany qamtıdy.
Úmitkerlerge qoıylatyn talaptar, basym mamandyqtar tizimi, ýnıversıtetter men ǵylymı ortalyqtar týraly tolyq aqparatty bolashak.gov.kz saıtynan kóre alasyzdar.
Qazaqstanda alǵash ret óńirlik bilim berý – óndiristik klasteri iske qosyldy
Barlyq suraqtar boıynsha 8 (7172) 76-90-76 (ishki 110, 112, 113, 114, 115, 301) nómirine habarlasýǵa bolady.
