«Almaty Arena» muz saraıynda uıymdastyrylǵan «Dombyra úni» atty shara birneshe aılyq daıyndyqtyń nátıjesi boldy. Joba aıasynda 200-den astam mektep pen qosymsha bilim berý uıymdarynda birikken dombyra ansamblderi qurylyp, shamamen 1000 pedagog oqýshylardy ortaq qoıylymǵa daıyndady. Fleshmobqa 7-10 synyp oqýshylary qatysty.
Is-shara barysynda tek bir kúı ǵana emes, arnaıy ázirlengen mýzykalyq popýrrı oryndaldy. Baǵdarlamaǵa Tólegen Muhamedjanov pen Altynbek Qorazbaevtyń shyǵarmalary, Nurǵısa Tilendıevtiń kúıleri, sondaı-aq Qurmanǵazynyń «Balbyraýyn» kúıi zamanaýı óńdeýde engizildi. Qoıylym mazmuny zamanaýı tehnologııalarmen tolyqtyrylyp, jasandy ıntellekt negizinde arnaıy beınemazmun ázirlendi.
Qazaqstan rekordtar kitabynyń sarapshylary fleshmob nátıjesin resmı túrde tirkep, qatysýshylar sany, oryndaý úılesimi men uzaqtyǵyn tekserdi. Nátıjesinde bul kórsetkish «Jappaı jetistikter» sanaty boıynsha jańa ulttyq rekord retinde tanyldy.
Bul bastama ulttyq ónerdi dáriptep qana qoımaı, jas býynnyń mádenı qundylyqtarǵa degen qyzyǵýshylyǵyn arttyrǵan taǵylymdy jobaǵa aınaldy.
