«Eń aldymen, barsha qazaqstandyqtardy tarıhymyzdaǵy asa mańyzdy oqıǵa – jalpyhalyqtyq referendýmda jańa Konstıtýsııanyń qabyldanýymen quttyqtaımyn! Bul – Qazaqstannyń zamanaýı tarıhyndaǵy el taǵdyryn aıqyndaıtyn eleýli kezeń. Memleket basshysy Qasym-Jomart Kemeluly Toqaevtyń basshylyǵymen jáne qoǵamnyń belsendi qoldaýymen elimizde júrgizilip jatqan aýqymdy ózgerister Qazaqstannyń kez kelgen syn-qaterlerge tótep berýin qamtamasyz etedi», dedi Oljas Bektenov.
Premer-mınıstr jańa Konstıtýsııa saıası turaqtylyqty nyǵaıtyp, ekonomıkany odan ári jańǵyrtýǵa jol ashatynyna nazar aýdardy.
Sarapshy: Jańa Konstıtýsııany qoldaý – qoǵamnyń jańǵyrýǵa daıyn ekenin kórsetedi
«Ata zań saıası turaqtylyqty nyǵaıtyp, ekonomıka men qoǵamnyń barlyq salasyn odan ári jańǵyrtýǵa jol ashady. Birlik pen ádildik, zań men tártip sııaqty negizgi qundylyqtardy ornyqtyryp, ultymyzdyń uzaq merzimdi damý baǵdaryn aıqyndaıdy.
Ol elimizdiń saıası júıesine halyqtyń tolyqqandy qatysýyna, azamattardyń quqyqtary men bostandyqtarynyń qorǵalýyna, adam kapıtalynyń, ǵylym men mádenıettiń, sıfrlyq ortanyń sapaly damýyna, ekologııalyq qaýipsizdiktiń saqtalýyna kepildik beredi», dedi Premer-mınıstr.
