Foto: Ashyq derekkóz
Avtordyń aıtýynsha, jahandyq retteýdiń burynǵy tetikteri tıimdiligin joǵaltýda. Qaýipsizdik pen turaqtylyqty qamtamasyz etýge tıis halyqaralyq ınstıtýttar órship turǵan syn-qaterler men qaqtyǵystarǵa tótep bere almaı otyr.
«Halyqaralyq bıýrokratııa birde-bir qaqtyǵystyń aldyn ala almady, taraptardy odan ári qarsylasýǵa ıtermeleıtin dármensiz deklarasııalarmen ǵana shekteldi», dedi Máýlen Áshimbaev.
Maqalada atap kórsetilgendeı, qazir jahandyq kúshter teńgerimi qaıta bólinip, halyqaralyq qatynastardyń jańa paradıgmasy qalyptasyp jatyr. Bul jerde áńgime burynǵy ústemdik modelinen túrli kúsh ortalyqtarynyń ózara is-qımyly men básekelestigine negizdelgen kúrdelirek júıege kóshý týraly bolyp otyr.
Bul transformasııada geosaıası teńgerimniń jańa konfıgýrasııasy qalyptasyp jatqan Eýrazııa qurlyǵy erekshe mańyzǵa ıe bolyp otyr. Mundaı jaǵdaıda derbes jáne pragmatıkalyq syrtqy saıasat júrgize alatyn memleketterdiń róli arta túspek.
Máýlen Áshimbaev: Memleket basshysynyń reformalary jalpyulttyq birlikti talap etedi
Maqalada Qazaqstannyń geosaıası ósýi úshin qajetti alǵysharttar – tabıǵı resýrstar, myqty adam kapıtaly jáne strategııalyq geografııalyq ornalasýy árdaıym bolǵany erekshe atap ótiledi. Alaıda, ondaǵan jyldar boıy bul faktorlar «sınergetıkalyq ásersiz óz betinshe jumys istep keldi».
Avtordyń pikirinshe, Qasym-Jomart Toqaevtyń atalǵan resýrstardy birtutas damý strategııasyna biriktirýge múmkindik bergen júıeli sheshimderi betburysty kezeń boldy.
«Prezıdentimiz Qasym-Jomart Kemeluly Toqaevtyń eldi óńirdegi kóshbasshy ári mańyzdy tizbek retinde mýltıplekstik álemniń júıesine kiriktirý jolynda jasaǵan júıeli qadamdary naǵyz jetispeı turǵan element nemese sınergııany iske qosqan kilt boldy», dedi Senat Tóraǵasy.
Osylaısha, avtor álemdik tártiptiń transformasııasy jaǵdaıynda Prezıdent Qasym-Jomart Toqaevtyń reformalary Qazaqstanǵa jańa shynaıylyqqa beıimdelip qana qoımaı, Eýrazııa qurlyǵyndaǵy jańa kúshter teńgerimin qalyptastyrýdyń belsendi qatysýshysy bolýǵa múmkindik beredi degen qorytyndy jasaıdy.
Máýlen Áshimbaev: Referendým – «Halyq únine qulaq asatyn memleket» tujyrymdamasynyń jarqyn kórinisi
