Sońǵy jyldardaǵy tájirıbe kórsetkendeı, qonys aýdarǵan azamattardyń turaqtap qalmaýy kóbine resmı jumysqa ornalaspaýmen baılanysty. Bul óz kezeginde qaıta kóshýge, áleýmettik turaqsyzdyqqa jáne jergilikti bıýdjetke túsetin júktemeniń artýyna ákelgen. Osyǵan baılanysty jańa ózgerister qonys aýdarýshylardy jańa óńirlerde turaqtandyrýdy kózdeıdi.
Jobaǵa sáıkes, endi qonys aýdarýshylar men qandastar úshin jańa turǵylyqty jerinde mindetti túrde resmı jumysqa ornalasý talaby engiziledi. Azamattar ózderiniń jumyspen qamtylǵanyn dáleldep, turaqty áleýmettik aýdarymdar jasap otyrýy tıis. Mınıstrlik ókilderiniń aıtýynsha, bul sharalar azamattardyń jańa ortada ornyǵýyna ǵana emes, sonymen qatar óńirlik ekonomıkanyń damýyna da oń áser etedi.
Soltústikke betburys: Qonys aýdarýshylardy qoldaýdyń jańa formaty qandaı?
Qujat «Ashyq NQA» portalynda jarııalanyp, 2026 jylǵy 6 sáýirge deıin qoǵamdyq talqylaýǵa usynyldy. Osy ýaqyt aralyǵynda barlyq múddeli taraptar óz usynystary men pikirlerin bildire alady. Talqylaý aıaqtalǵan soń joba tolyqtyrylyp, bekitýge jiberiledi.
Sarapshylardyń pikirinshe, mundaı talaptar qonys aýdarýshylardyń áleýmettik jaýapkershiligin arttyryp, olardyń jańa orynǵa beıimdelýin jeńildetedi. Sonymen qatar bul bastama óńirlerdiń ekonomıkalyq turaqtylyǵyn nyǵaıtýǵa da yqpal etýi múmkin.
