QOSTANAI. 26 aqpan. «Nur Otan» partııasy Qostanaı oblystyq fılıalynyń kezekten tys konferensııasynda Jeńistiń 70 jyldyǵyna daıyndyq jáne ony ótkizý máselesi qaraldy. Bul týraly egemen.kz tilshisi habarlady.
Konferensııada «Nur Otan» partııasy oblystyq fılıaly tóraǵasynyń birinshi orynbasary Álııa Saparova Jeńistiń 70 jyldyǵyna partııa fılıaly júrgizip otyrǵan daıyndyq jumystaryna sholý jasady. Oblysta qazir 357 Uly Otan soǵysynyń ardageri turyp jatyr. Oblys óńirindegi úkimettik emes uıymdar, jastar «Ardagerlerdi ardaqtaıyq!» respýblıkalyq jobasynyń jaqsy áriptesine aınaldy. Áskerı-patrıottyq klýbtar, jastar uıymdary izdestirý jumystaryna belsene qatysyp otyr.
«Nur Otan» partııasy oblystyq fılıaly tóraǵasynyń birinshi orynbasary Álııa Saparova: «Jaqsy mysal óte kóp. Mysaly, Qostanaı aýdany, Vladımırov selosyndaǵy «Olımp» áskerı-patrıottyq klýby Uly Otan soǵysynda habarlsyz ketken 126 jaýyngerdiń esimin anyqtap otyr. Búginde olardyń 20-synyń qaıda jerlengeni anyqtaldy» dedi. Sondaı-aq, aımaqtyq «Kostanaıskıı novostı» gazetinde «Qaıta oralǵan esimder» aıdary eki jyldan beri úzbeı tanymdyq materıaldar berilip keledi. Ol arqyly talaılar habarsyz ketken atalaryn tapty.
Jastar bastamasymen ótken jyly 3 myń zeınetkerdiń úıine baryp, kómek berildi.
Oblystyq fılıaldyń bastamasymen qolǵa alynǵan «Meniń atamnyń portreti» aksııasy sheńberinde 1 300 ardagerdiń sýreti jınaldy. Bul aksııaǵa partııanyń aýdandyq, qalalyq fılıaldary da benlsendi atsalysýda.
Konferensııada jumyspen qamtýdy úılestirý jáne áleýmettik baǵdarlamalar basqarmasynyń basshysy Erlan Jaýlybaev soǵys ardagerleri men múgedekterine jasalyp otyrǵan memlekettik kómek jóninde aıtyp berdi. Oblys ákimi, «Nur Otan» partııasy oblystyq fılıalynyń tóraǵasy Nuraly Sádýaqasov soǵys ardagerleriniń barlyǵyna tek mereke qarsańynda ǵana emes, barlyq ýaqytta qamqorlyq jasalýy tıis ekenin aıtty. Sonymen qatar, oblystyń barlyq óńirinde eskertkishter men saıabaqtardyń merekege deıin tegis jóndelip, jańǵyrtylyp bolýyn tapsyrdy.
Názıra Járimbetova.
Derek, sýret: egemen.kz.
