Aqtóbede jemqorlyqqa qarsy baıqaý qorytyndylandy

AQTО́BE. 26 aqpan. Aqtóbe qalalyq kórkemsýret lıseıinde jas sýretshiler arasynda uıymdastyrylǵan «Jemqorlyq – indet, kúresý – mindet» baıqaýynyń jeńimpazdaryn marapattaý rásimi ótti. Bul týraly egemen.kz tilshisi habarlady. Memlekettik qyzmet isteri jáne sybaılas jemqorlyqqa qarsy is-qımyl agenttigi Aqtóbe oblysy boıynsha departamentiniń uıtqy bolýymen ótkizilgen sharanyń maqsaty – óskeleń urpaqtyń sybaılas jemqorlyqqa qarsy kózqarasyn jáne quqyqtyq mádenıetin qalyptastyrý bolyp tabylady. Baıqaýǵa qala oqýshylary atynan 50-den astam jumys túsken. Uıymdastyrýshylar solardyń ishinen taqyrypqa saı jáne erekshe kórkem jasalǵan dúnıelerge tańdaý jasaǵan. Baıqaýdyń bas júldesin Evangelına Tereshenko jeńip aldy. Birinshi orynǵa Sııahan Ashyqova laıyq dep tanyldy. Al odan keıingi júldeli oryndardy Danııar Káýkeev, Jámılá Satybaeva, Aqjaına Qarjaýbaeva, Nurtilek Eleýsinovter ózara bólisti. Sondaı-aq, ózindik sýret salý ereksheligimen kózge túsken Mereı Turabaeva, Ǵalymjan Sámet, Tańsý Ordabaeva, Kámshat Jumabaeva arnaıy atalymdar boıynsha marapattaldy. Satbaldy Sáýirbaı. Derek: egemen.kz. Sýret: bolashak.kz.