Foto: Ashyq derekkóz
Depýtat óz sózinde Memleket basshysy Qasym-Jomart Toqaev ótken jylǵy Joldaýynda azyq-túlik qaýipsizdigin qamtamasyz etý jáne ımportqa táýeldilikti azaıtý Úkimettiń strategııalyq mindeti ekenin atap ótkenin eske saldy. Onyń aıtýynsha, bul mindetter otandyq aýyl sharýashylyǵyn damytý, ónim jetkizý logıstıkasyn ońtaılandyrý jáne turaqty óndiristi qalyptastyrý arqyly júzege asýy tıis.
Sońǵy 7 jylda elimizdegi aýyl sharýashylyǵy óndirisiniń kólemi eki ese artty
Temir Qyryqbaev jyl basynda óńirlerdi aralap, aýyl turǵyndarymen kezdeskenin jetkizdi. Kezdesýler barysynda sharýalar agrosektordaǵy eń ózekti máselelerdiń biri retinde kadr tapshylyǵyn ataǵan.
«Ásirese, malshy, saýynshy, mehanızator, veterınar, agronom, zootehnık sekildi mamandardyń jetispeýshiligi bar ekenin jetkizdi. Bul jaǵdaı aýyldyq jerlerdegi turmys deńgeıiniń tómendigimen, eńbekaqy mólsheriniń jetkiliksizdigimen jáne áleýmettik qoldaý tetiginiń álsizdigimen tikeleı baılanysty», dedi depýtat.
Aýyl sharýashylyǵy kooperasııasy: Olardy yntalandyrý tásili qandaı?
Sondaı-aq ol Joǵary aýdıtorlyq palatanyń esebinde zeınetaqy jarnalary aýdarylmaıtyn azamattardyń kóp ekeni kórsetilgenin aıtty. Bul eńbek zańnamasynyń saqtalýynda kemshilikter bar ekenin jáne baqylaý tetikteriniń álsizdigin bildiredi.
«Mundaı úrdis jumys berýshiler tarapynan mindettemelerdiń tolyq oryndalmaýy nemese baqylaý tetikteriniń álsizdigimen baılanysty bolýy múmkin. Kadr tapshylyǵynyń oryn alýy agroónerkásiptik keshenniń turaqty damýyna, eńbek ónimdiliginiń artýyna jáne eldiń azyq-túlik qaýipsizdigine tikeleı qaýip tóndiredi», dedi T. Qyryqbaev.
Aıta keteıik, Úkimet Qazaqstan negizgi azyq-túlik ónimderi boıynsha tolyq ózin-ózi qamtamasyz etýge kóshýdi 2028 jylǵa deıin josparlap otyr. Depýtattyń aıtýynsha, aýyldaǵy sharýalardyń tarapynan kóterip otyrǵan kadrlyq máselesin tolyqqandy sheshpeı elimizdi azyq-túlik ónimderimen 2028 jylǵa deıin ózin-ózi tolyq qamtamasyz etýge múmkin emes.
Ormuz buǵazyndaǵy shekteýler otandyq aýyl sharýashylyǵyna qalaı eser etedi?
Osyǵan baılanysty depýtat Úkimetke birqatar usynys joldady. Atap aıtqanda, aýyl sharýashylyǵy qyzmetkerleriniń jalaqysyn arttyrý úshin qosymsha tólemder qarastyrý jáne jergilikti bıýdjet esebinen sýbsıdııalaý baǵdarlamasyn engizý, sala qyzmetkerlerine jeke tabys salyǵynyń tómendetilgen mólsherlemesin belgileý, sondaı-aq agrarlyq oqý oryndarynda maqsatty granttar men shákirtaqylar kólemin ulǵaıtý qajettigin usyndy.
