Foto: Ashyq derekkóz
Arnaıy prokýrorlar Almaty qalasynyń Naýryzbaı aýdany Polısııa basqarmasynyń burynǵy tergeýshisine qatysty sotqa deıingi tergep-tekserýdi aıaqtaǵan. Tergeý barysynda kúdiktiniń qolynda 14 qylmystyń jasalǵany týraly naqty derekter bola tura, olardy tirkemeı, esepten qasaqana jasyryp kelgeni anyqtaldy. Osy arqyly ol qylmystyq quqyq buzýshylyqtardy esepke alýdyń belgilengen tártibin buzǵan.
Júrgizilgen keshendi tergeý áreketteri aıyptalýshynyń quqyqqa qarsy áreketterin tolyq rastady. Kúdiktiniń is-áreketi Qylmystyq kodekstiń 433-baby 2-bóligimen saralanǵan.
Sot úkimimen burynǵy tergeýshi kináli dep tanylyp, oǵan memlekettik qyzmette 3 jyl merzimge jumys isteýge tyıym salý jazasy qosymsha jaza retinde belgilenip, 2 jylǵa bas bostandyǵyn shekteý jazasy taǵaıyndaldy.
Sonymen qatar, sot sheshimimen ol «polısııa leıtenanty» arnaýly ataǵynan aıyryldy.
