Foto: Joǵarǵy sot
Aıyptalýshy jyldar boıy ajyrasyp ketken áıeliniń mazasyn alǵan.
Sot barysynda jábirlenýshiniń burynǵy kúıeýimen baılanys ornatqysy kelmegenine qaramastan onyń úıine kelip, kireberis esigin buzyp, birneshe ret páterge zańsyz kirgeni anyqtaldy. Sondaı-aq jábirlenýshi aıyptalýshynyń zańsyz is-áreketterinen qorqyp, páterinen ketip, anasynyń úıine barýǵa májbúr bolǵan. Buǵan qaramastan, sottalýshy jábirlenýshige baryp, agressıvti áreketter jasap, júıeli túrde janjal shyǵarǵan.
Almatyda burynǵy jubaıynyń izine túsken stalkerge úkim shyqty
Sondaı-aq aıyptalýshy turaqty túrde beıtanys nómerlerden jábirlenýshige habarlasyp, habarlamalar joldap otyrǵan. Astana qalasynyń qylmystyq ister jónindegi aýdanaralyq soty sottalýshyny kináli dep tanyp, oǵan 100 saǵat qoǵamdyq jumystarǵa tartý túrindegi jaza taǵaıyndady.
Terezeden syǵalap, mazasyn alǵan: Atyraý oblysynda stalkıng týraly jańa bap negizinde úkim shyqty
Aıta keteıik, zańsyz qýdalaý úshin 200 aılyq eseptik kórsetkishke deıin aıyppul ne sol mólsherde túzeý jumystary, sondaı-aq 200 saǵatqa deıin qoǵamdyq jumystarǵa tartý ne 50 táýlikke deıin qamaýǵa alý túrindegi qylmystyq jaýapkershilik kózdelgen.
