Foto: egemen.kz/Erlan Omar
Ol isine azamattardy tartý úshin Instagram arqyly ózin áleýmettik tólemderdi rásimdeý jónindegi maman retinde tanystyryp, járdemaqy kólemin arttyrýǵa kómektesetinin ýáde etken.
Shemany júzege asyrý úshin týystary men tanystarynyń atyna naqty qyzmet júrgizbegen birneshe jeke kásipker tirkelgen.
«Jeke kásipkerler men tartylǵan tulǵalardyń elektrondyq sıfrlyq qoltańbalaryn paıdalanyp, býhgalter jalǵan jumysqa qabyldaý týraly buıryqtardy, esep aıyrysý tizimdemeleri, eńbek sharttary jáne ózge de býhgalterlik qujattardy daıyndap, zańdy eńbek qatynastary bar degen jalǵan málimet jınaqtaǵan», delingen QMA habarlamasynda.
Iri kólemde qarjy jymqyrǵan qurylys kompanııasynyń basshysy Reseıden ekstradısııalandy
Osy jalǵan málimetterdiń negizinde ýákiletti organdar járdemaqylardy negizsiz joǵary mólsherde taǵaıyndaǵan.
Keıbir kásipkerler tólemderdi alǵannan keıin buryn aýdarylǵan zeınetaqy jáne áleýmettik aýdarymdardy keri qaıtarýdy rásimdegen.
Nátıjesinde memleketke 146 mln teńge kóleminde zalal keltirilgen.
Tergeý barysynda aıyptalýshynyń qylmystyq jolmen ıemdengen qarajatqa satyp alynǵan úsh bólmeli páterin qoldanýǵa tyıym salyndy.
Abaı oblysynda mektep dırektory «Damý bala» arqyly qarjy jymqyrǵan
Sot úkimimen oǵan 5 jyl bas bostandyǵynan aıyrý jazasy taǵaıyndaldy. Páter memleket kirisine tárkilendi.
Úkim zańdy kúshine endi.
